શૈક્ષણિક ખબર / CBSEનો મોટો નિર્ણય, 10-11 અને 12મા ધોરણના વિષયમાંથી હટાવ્યાં આ પ્રકરણો, પરીક્ષા અંગે શું કહ્યું જાણો

• CBSEએ લીધો મોટો નિર્ણય
• 10 અને 12માના ધોરણના વિષયમાં હટાવાયા અમુક પ્રકરણો
• ઈતિહાસ અને પોલિટિકલ સાયન્સમાં હટાવાયા ટોપિક
• 10 અને 12ની પરીક્ષા બે ટર્મને બદલે એક ટર્મમાં લેવાઈ શકે

કેન્દ્રીય માધ્યમ શિક્ષણ બોર્ડ (CBSE) ધોરણ 10 અને 12ના ઈતિહાસ અને પોલિટિકલ સાયન્સમાંથી નોન અલાઈડ મુવમેન્ટ, કોલ્ડ વોર એરા, ધ રાઈઝ ઓફ ઈસ્લામિક એમ્પાયર્સ ઈન આફ્રો-એશિયન ટેરિટરીઝ, ધ ક્રોનિકલ્સ ઓફ મુગલ કોર્ટ અને ઈન્ડસ્ટ્રીયલ રીવોલ્યુશન જેવા પ્રકરણો હટાવી દીધા છે. એ જ રીતે ધોરણ 10ના અભ્યાસક્રમમાંથી ફૂડ સિક્યુરીટી પ્રકરણમાંથી કૃષિ પર વૈશ્વિકરણની અસર ટોપિકને પણ હટાવી દેવાયો છે.  ચાલુ વર્ષના બન્ને ધોરણના અભ્યાસક્રમમાંથી ફૈઝ અહેમદ ફઈઝની બે ઉર્દ કવિતામાંથી ભાષાંતરને પણ હટાવી દેવાયા છે. કેન્દ્રીય માધ્યમિક શિક્ષણ બોર્ડે ડેમોક્રેસી અને ડાયવર્સિટી પરના કોર્ષ કન્ટેન્ટ ચેપ્ટર્સને પણ પડતા મૂક્યા છે. 

નેશનલ કાઉન્સિલ ઓફ એજ્યુકેશનલ રિસર્ચની ભલામણો અનુસાર પ્રકરણો હટાવાયા-બોર્ડ 

ધોરણ 10 અને 12ના અભ્યાસક્રમમાંથી ઉપરના ટોપિક હટાવવા પાછળનું કારણ આપતા અધિકારીરઓને કહ્યું કે જે કેટલાક ફેરફારો કરવામાં આવ્યાં છે તે અભ્યાસના ભાગરુપે છે અને  નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેઈનિંગની ભલામણો અનુસાર છે. 

11મા ધોરણના ઈતિહાસમાં ઈસ્લામિક લેન્ડ પ્રકરણ પડતું મૂકાયું 

ધોરણ 11ના ઈતિહાસ વિષયમાં સેન્ટ્રલ ઈસ્લામિક લેન્ડ પ્રકરણને પણ પડતું મૂકવામાં આવ્યું છે. આ પ્રકરણમાં આફ્રો-એશિયન ટેરિટરીઝમાં ઈસ્લામિક સામ્રાજ્યના ઉદય અને ઈકોનોમી તથા સોસાયટી પરની તેની અસરોની માહિતી આપવામાં આવી છે. આવી રીતે ધોરણ 12ના ઈતિહાસના વિષયમાં જે ટાઈટલ ડ્રોપ કરવામાં આવ્યું છે તે મુગલ કોર્ટ-રિકન્સ્ટ્રીંગ હિસ્ટ્રી થ્રુ ક્રોનિકલ્સમાં મોગલોની સામાજિક, ધાર્મિક અને સાંસ્કૃતિક ઈતિહાસ આપવામાં આવેલા છે.

10,11 અને 12મા ધોરણના વિષયમાં આ પ્રકરણો પડતા મૂકાયા
ડેમોક્રેસી એન્ડ ડાયવર્સિટી
મોગલ કોર્ટ
ઉર્દૂ કવિ ફૈઝની કવિતા
ઈસ્લામિક લેન્ડ પ્રકરણ

10 અને 12ની પરીક્ષા બે ટર્મને બદલે એક ટર્મમાં લેવાઈ શકે-બોર્ડનો મોટો સંકેત 

2022-23ના શૈક્ષણિક સત્ર માટે સ્કૂલોને આપવામાં આવેલા અભ્યાસક્રમમાં બે ટર્મને બદલે સિંગલ બોર્ડ એક્ઝામના બોર્ડના નિર્ણયનો પણ ઈશારો કરવામાં આવ્યો છે.