મોટો નિર્ણય / હવે ધો.10 અને 12માં આ વર્ષે બે વખત પરીક્ષા લેવાશે, જાણી લો CBSEની નવી યોજના

• CBSE એ ધોરણ 10 અને 12 માટે નવી સ્કીમની જાહેરાત કરી
• બે ભાગમાં લેવાશે બોર્ડની પરીક્ષા
• પ્રથમ સત્રની પરીક્ષા નવેમ્બર-ડિસેમ્બરમાં
• બીજા સત્રની પરીક્ષા માર્ચ-એપ્રિલમાં

બોર્ડની જાહેરાત અનુસાર, ધોરણ 10 અને 12 ની બોર્ડની પરીક્ષાને બે ભાગમાં વહેંચવામાં આવી છે. પ્રથમ સત્રની પરીક્ષા નવેમ્બર-ડિસેમ્બરમાં થશે જ્યારે બીજા સત્રની પરીક્ષા માર્ચ-એપ્રિલમાં થશે. કોરોના સંકટને જોતા CBSE એ આ નિર્ણય લીધો છે. મહત્વનું છે કે થોડા સમય પહેલા પીએમ મોદીએ સીબીએસઈએ ધોરણ-12ની પરીક્ષા રદ્દ કરવાનો નિર્ણય કર્યો હતો. 

2022ની 10 અને 12 બોર્ડ પરીક્ષાઓની યોજના પર સીબીએસઈએ કહ્યું કે, આંતરિક મૂલ્યાંકન  (Internal Assessment) અને પ્રોજેક્ટ વર્ક (Project Work) ને વધુ વિશ્વસનીય તથા કાયદેસર બનાવવાનો પ્રયાસ જારી રહેશે. 

Academic session 2021-22 of class 10th & 12th to be divided into 2 terms with approx 50% syllabus in each term. Syllabus for Board examination 2021-22 will be rationalized similar to that of last academic session to be notified in July 2021: Central Board of Secondary Education pic.twitter.com/8vyfPUhWX7

— ANI (@ANI) July 5, 2021

CBSEએ અન્ય દિશા નિર્દેશ પણ જારી કર્યાં

CBSEએ પોતાની નોટિસમાં જણાવ્યું કે, નવા સત્રને 50 ટકા અભ્યાસક્રમની સાથે બે સત્રમાં વેચવામાં આવશે. પ્રત્યેક સત્રના અંતમાં 50 ટકા સિલેબસની પરીક્ષાનું આયોજન કરવામાં આવશે. આમ કરવાથી છેલ્લા સત્ર માટે વર્ગો લેવાની સંભાવના વધી જશે. આ સિવાય સીબીએસઈએ અન્ય દિશા નિર્દેશ પણ જારી કર્યાં છે. 

બોર્ડે જણાવ્યું કે આ વર્ષો કોરોના મહામારીને કારણે તમામ શાળાઓએ ઓનલાઇન ક્લાસ ચલાવ્યા છે. તેવામાં ઘણા હિતધારકો તરફથી મળેલા સૂચનોના આધાર પર સીબીએસઈએ 2021-2022 સત્ર માટે વૈકલ્પિક રીતે બોર્ડ પરિણામ જાહેર કરવાની યોજના બનાવી છે. ઘણી શાળાઓએ અભ્યાસક્રમ ઘટાડવાની માંગ કરી હતી.