CBSE બોર્ડની ટર્મ 2ની પરીક્ષા માટે એડમિટ કાર્ડની રાહ જોઈ રહેલા કેટલાય વિદ્યાર્થીઓ માટે સારા સમાચાર આવ્યા છે. સત્તાવાર વેબસાઈટ પરથી આપ હવે ડાઉનલોડ કરી શકશો.
CBSEના વિદ્યાર્થીઓ માટે મોટા સમાચાર
ધોરણ 10 અને 12ની ટર્મ 2ની પરીક્ષાના એડમિટ કાર્ડ થયા અપલોડ
આવી રીતે કરી શકશો ડાઉનલોડ
CBSE બોર્ડની ટર્મ 2ની પરીક્ષા ( CBSE Board Term 2 10th 12th Exam 2022) માટે એડમિટ કાર્ડની રાહ જોઈ રહેલા કેટલાય વિદ્યાર્થીઓ માટે સારા સમાચાર આવ્યા છે. સેન્ટ્રલ બોર્ડ ઓફ સેકેન્ડરી એજ્યુકેશને 10માં અને 12માં ધોરણની પરીક્ષા માટે એડમિટ કાર્ડ જાહેર કરી દીધા છે. ટર્મ-2 પરીક્ષામાં સામેલ થનારા વિદ્યાર્થીઓ CBSEની સત્તાવાર વેબસાઈટ પરથી તેને ડાઉનલોડ કરી શકશે. આ ઉપરાંત વિદ્યાર્થીઓ પોતાના શાળામાંથી પણ એડમિટ કાર્ડ લઈ શકશે. આપને જણાવી દઈએ કે, CBSE 10માં અને 12માં ધોરણ ટર્મ 2ની પરીક્ષા આ વખતે ઓફલાઈન મોડમાં યોજાઈ રહી છે.
એડમિટ કાર્ડથી મળશે એન્ટ્રી
સીબીએસઈ બોર્ડ પરીક્ષા કેન્દ્ર પર એડમિટ કાર્ડ દ્વારા જ સ્ટૂડેંટ્સને એન્ટ્રી આપવામાં આવશે. સીબીએસઈની વેબસાઈટ પર એડમિટ કાર્ડ અપલોડ થયા બાદ પોતાનું વિવરણ સારી રીતે ચેક કર્યા બાદ જ તેને ડાઉનલોડ કરો, તેમાં કોઈ ભૂલ હોય તો કરેક્ટ કરી લો.
કેવી રીતે ડાઉનલોડ કરશો સીબીએસઈ ટર્મ 2ના એડમિટ કાર્ડ
ઓફિશિયલ વેબસાઈટ cbse.gov.in પર જાઓ
હોમપેજ પર દેખાતા એડમિટ કાર્ડ લિંક પર ક્લિક કરો
પોતાની પર્સનલ ડિટેલ્સ ભરીને સબમિટ કરો
સ્ક્રીમ પર એડમિટ કાર્ડ ડિસ્પ્લે થશે
એડમિટ કાર્ડની કોપી ડાઉનલોડ કરી પોતાની પાસે રાખો
પરીક્ષામાં હાજર રહેલા વિદ્યાર્થીઓ વેબસાઈટ(CBSE Term 2 Exam Time Table)ની મુલાકાત લઈને ડેટશીટ ચકાસી શકે છે. બોર્ડે પહેલાથી જ ટર્મ 2 પરીક્ષા (CBSE Term 2 Exam Date) માટેની તારીખો જાહેર કરી દીધી હતી પરંતુ સંપૂર્ણ ડેટશીટ બહાર પાડવામાં આવી ન હતી. પરંતુ હવે CBSE એ સંપૂર્ણ ટાઈમ ટેબલ જાહેર કર્યું છે. ટાઇમ ટેબલ મુજબ, CBSE 10મી ટર્મ 2 ની પરીક્ષા 26 એપ્રિલ, 2022 થી શરૂ થશે અને 24 મે, 2022 ના રોજ સમાપ્ત થશે. તે જ સમયે, 12મા ટર્મ 2 ની પરીક્ષાઓ 26 એપ્રિલથી 15 જૂન 2022 સુધી ચાલશે.
ઓફલાઈન લેવાશે પરીક્ષા
CBSE ટર્મ 2 બોર્ડ પરીક્ષાના સમય કોષ્ટકમાં ઉલ્લેખ કરવામાં આવ્યો છે કે CBSE 10મી-12મી પરીક્ષાઓ ઑફલાઇન મોડમાં લેવામાં આવશે. તમને પરીક્ષા માટે 2 કલાક મળશે. CBSE ટર્મ 2 બોર્ડ પરીક્ષાની સૂચનાઓ પછીથી જારી કરવામાં આવશે. પરીક્ષાઓ COVID-19 સુરક્ષા પ્રોટોકોલ સાથે લેવામાં આવશે.
વિદ્યાર્થીઓ માટે માર્ગદર્શિકા
COVID-19 ના નિયમો અને માર્ગદર્શિકા હળવી કરતા હવે ટર્મ-2 માં બોર્ડ દ્વારા એક વર્ગમાં 18 વિદ્યાર્થીઓને બેસવા દેવામાં આવશે.
વિદ્યાર્થીઓએ પણ COVID-19 ના નિયમો અને માર્ગદર્શિકાનું કડકપણે પાલન કરવાનું રહેશે. સોશ્યલ ડિસ્ટનસિંગ, માસ્ક અને તાવની ચકાસણી માટે તાપમાન ચેક કરાવવું ફરજિયાત રહેશે.
પરીક્ષા સરળતાથી લેવાય તે માટે થ્રી-સ્ટેપ વેરિફિકેશન પ્રોસેસ ફરજિયાત કરવામાં આવી છે.
2022 ની ધોરણ 10 અને 12 ની બીજી ટર્મની પરીક્ષા બે કલાકની રહેશે જે 10:30 થી 12:30 ના સમયગાળા દરમિયાન લેવાશે.
વિદ્યાર્થીઓએ સવારે 09:30 વાગ્યે પરીક્ષા કેન્દ્ર પર હાજર થઈ જવાનું રહેશે. અને 10 વાગ્યા સુધીમાં પોતપોતાની સીટ પર સ્થાન ગ્રહણ કરી લેવાનું રહેશે. સવારે 10 વાગ્યા બાદ આવનાર કોઈપણ વિદ્યાર્થીને કોઈપણ સંજોગોમાં પ્રવેશ આપવામાં આવશે નહીં.
પરીક્ષા ખાંડમાં પ્રવેશ મેળવવા માટે CBSE રોલ નંબર/ એડમિટ કાર્ડ ફરજિયાત રહેશે અને તેમાં જે તે વિદ્યાર્થિની શાળાના આચાર્ય તેમજ વિદ્યાર્થિની સહી અચૂકપણે કરેલી હોવી જોઈએ.
સહી કર્યા વગરના એડમિટ કાર્ડ ધરાવતા વિદ્યાર્થીઓને પ્રવેશ આપવામાં આવશે નહીં
તમામ ગોપનીય સામગ્રીની હિલચાલના રેકોર્ડ જાળવવા માટે તેનું જીઓ ટેગિંગ અનિવાર્ય રહેશે.