અગાઉ કરેલી જાહેરાત મુજબ કેન્દ્રીય શિક્ષણ મંત્રી રમેશ પોખરીયાલ 'નિશંક' એ આજે CBSE બોર્ડની પરીક્ષાઓની તારીખ જાહેર કરી દીધી છે, આ પરીક્ષાઓ 4 મે થી શરૂ થશે. અને 10મી જૂન સુધી સંપૂર્ણ પરીક્ષા પૂર્ણ કરાશે. મહત્વનું છે કે બોર્ડની આ પરીક્ષાઓ ઓફલાઇન મોડમાં જ લેવાવાની છે જેની અગાઉથી જ શિક્ષણ મંત્રી દ્વારા તેમની એક પ્રેસ કોન્ફરન્સમાં જાહેરાત કરી દેવામાં આવી હતી.
4 મે થી શરૂ થશે CBSE બોર્ડની પરીક્ષા
CBSE બોર્ડ ધોરણ 10 અને 12ની પરીક્ષા 4 મેથી થશે શરૂ
10 જૂન સુધીમાં તમામ પરીક્ષા કરાશે પૂર્ણ
કેન્દ્રીય શિક્ષણ પ્રધાન રમેશ પોખરિયાલે આજે CBSE બોર્ડની આગામી 10 અને 12માં ધોરણની બોર્ડ એક્ઝામ્સની તારીખો આજે જાહેર કરી હતી, આ પરીક્ષાઓ અગાઉની neet અને jee ની પરીક્ષાઓની જેમ જ ઓફલાઇન મોડમાં લેવામાં આવશે. કેન્દ્રીય મંત્રી આ અગાઉથી જ આની જાહેરાત કરી ચૂક્યા છે.
વિદ્યાર્થીઓ, શિક્ષકો પાસેથી લેવાયા હતા સૂચનો
આ અગાઉની પ્રેસ કોન્ફરન્સમાં કેન્દ્રીય શિક્ષણ પ્રધાને કહ્યું હતું કે દેશમાં ઘણા આંતરિયાળ વિસ્તારોમાં CBSE પોતાની શાળાઓ ધરાવે છે જેને લઈને આ બધી જગ્યાએ એકીસાથે ઓનલાઇન પરીક્ષા માટેની માળખાગત સુવિધા કરવી ઘણું મુશ્કેલ છે જેને લઈને આ બોર્ડ પરીક્ષાઓ ઓફલાઈન રાખવાના નિર્ણયને તેમણે ઘણો જ યોગ્ય દર્શાવ્યો હતો.
આ સિવાય શિક્ષણ મંત્રીએ વધુમાં જણાવ્યું હતું કે ભારત સરકાર દરેક વિદ્યાર્થીના હિત માટે કામગીરી કરી રહી છે અને કોરોનાના લીધે કોઈ પણ વિદ્યાર્થીના ભવિષ્યને તેના લીધે પ્રભાવિત થવા ન દઈ શકાય અને તેને લઈને સરકાર તે દિશામાં મક્કમ કામગીરી કરી રહી છે.