કેન્દ્રીય માધ્યમિક શિક્ષણ બોર્ડ દ્વારા શનિવારે 12માં ધોરણની પ્રેક્ટિકલ પરીક્ષા માટે તારીખ જાહેર કરી દેવામાં આવી છે. બોર્ડે પરીક્ષાના આયોજનને લઇને SPO જાહેર કરી છે. જેમાં 1 જાન્યુઆરીથી 8 જાન્યુઆરી સુધી પ્રેક્ટિકલ કરાવવાનું જણાવાયું છે. જોકે આ તારીખ સંભવિત છે. સાચી તારીખની જાહેરાત બાદમાં અલગથી કરવામાં આવશે.
CBSEએ 12 માં ધોરણની પ્રેક્ટિકલ પરીક્ષાની તારીખો જાહેર કરી
1 જાન્યુઆરીથી 8 જાન્યુઆરી સુધી પ્રેક્ટિકલ યોજાશે
શાળાઓને અલગ અલગ તારીખો મોકલવામાં આવશે
બોર્ડે કહ્યું કે, પ્રેક્ટિકલ પરીક્ષા માટે શાળાઓને અલગ અલગ તારીખો મોકલવામાં આવશે. બોર્ડ તરફથી એક ઓબ્ઝર્વર પણ નિયુક્ત કરવામાં આવશે, જે પ્રેક્ટિકલ પરીક્ષા અને પ્રોજેક્ટ મૂલ્યાંકનની દેખરેખ કરશે. આ સિવાય ગત વર્ષોની જેમ જ પ્રેક્ટિકલ પરીક્ષામાં ઇન્ટર્નલ અને એક્સટર્નલ બન્ને એક્ઝામિનર હશે. શાળાઓની આ જવાબદારી હશે કે CBSE બોર્ડ દ્વારા નિયુક્ત એક્સટર્નલ એક્ઝામિનર દ્વારા જ પ્રેક્ટિકલ પરીક્ષા લેવાશે.
પરીક્ષા દરમિયાન ગ્રુપ ફોટોનો નિયમ
બોર્ડે જણાવ્યું કે, તમામ શાળાઓને એક એપ લિંક ઉપલબ્ધ કરાવાશે. જેના પર તેમણે પ્રેક્ટિકલ પરીક્ષા દરમિયાન વિદ્યાર્થીઓની દરેક બેચનો ગ્રુપ ફોટો અપલોડ કરવાનો રહેશે. ગ્રુપ ફોટોમાં પ્રેક્ટિકલ આપનાર બેચના તમામ વિદ્યાર્થી, એક્સટર્નલ એક્ઝામિનર, ઇન્ટર્નલ એક્ઝામિનર અને ઓબ્ઝર્વર હશે. ફોટોમાં તમામ ચેહરા સ્પષ્ટ દેખાવા જોઇએ.
રદ્દ નહીં થાય પરીક્ષાઓ, ટુંક સમયમાં જાહેર થશે ડેટશીટ
કોરોનાના વધતા કહેર વચ્ચે પરીક્ષાઓ રદ્દ કરવાની માંગ ઉઠવા લાગી છે. તેવામાં CBSEના સચિવ અનુરાગ ત્રિપાઠીએ શુક્રવારે કહ્યું હતું કે, 10માં અને 12માં ધોરણ માટે થનારી બોર્ડ પરીક્ષાઓ જરૂર યોજાશે અને તેમના માટે શેડ્યૂલ ટુંક સમયમાં જાહેર થવાની આશા છે.