ગોલમાલ / ગુજરાતમાં CBIની મોટી કાર્યવાહી: બેંક સાથે છેતરપિંડી કરનાર આ કંપની વિરૂદ્ધ કેસ, રાજકોટ-ઉપલેટામાં દરોડા

• છેતરપિંડી કેસમાં CBIની મોટી કાર્યવાહી
• CBIના રાજકોટ અને ઉપલેટામાં દરોડા
• રાજકોટ-ઉપલેટા સહિત 7 સ્થળોએ દરોડા

બેંક સાથે છેતરપિંડીના કેસમાં  CBIએ રાજકોટની એક નામાંકિત કંપની સામે મોટી કાર્યવાહી કરી છે. રાજકોટ-ઉપલેટા સહિત 7 સ્થળોએ દરોડા પાડી કંપનીના વ્યવહારો ચેક કરવામાં આવી રહ્યા છે. મળતી માહિતી અનુસાર રાજકોટની કંપની વિરુદ્ધ કેસ પણ દાખલ કરવામાં આવ્યો છે. 

યુનિયન બેંક સાથે 44.64 કરોડની છેતરપિંડી
રાજકોટની જાણીતી કંપની મનદીપ ઈન્ડસ્ટ્રીઝે યુનિયન બેંક સાથે 44.64 કરોડની છેતરપિંડી કરી હોવાની ફરિયાદ દાખલ થઈ છે. જે બાદ CBIએ મોટી કાર્યવાહી કરતાં કંપનીના રાજકોટ-ઉપલેટા સહિત 7 જેટલા સ્થળોએ દરોડા પાડી મનદીપ ઈન્ડસ્ટ્રીઝના ડાયરેક્ટર્સ  અને ભાગીદારો વિરુધ્ધ કડક પગલાં ભર્યા છે. સર્ચ દરમિયાન CBIને દસ્તાવેજ પણ મળ્યા છે પુરાવાના આધારે કંપની વિરુદ્ધ સીબીઆઇએ કેસ પણ દાખલ કર્યો છે.

કોની સામે કેસ થયા દાખલ?

• મનદીપ ઈન્ડસ્ટ્રીઝના ડાયરેક્ટર્સ સામે કેસ
• આશીષ બી.તલાવિયા, કિશોર વૈષ્ણવી સામે કેસ
• રામજી એચ.ગજેરા, કલ્પેશ પી.તલાવિયા સામે કેસ
• ભાવેશ એમ. તલાવિયા વિરુદ્ધ કેસ દાખલ

કંપનીના ભાગીદારો સામે પણ કેસ કરી CBIએ છેતરપિંડી આચનાર સામે ગાળિયો કસ્યો છે. હાલ પર 7 સ્થળોએ કાર્યવાહી ચાલુ છે જેમાં બેનામી વ્યવહાર નીકળવાની પણ આશંકા સેવાઇ રહી છે.