મંજૂરી / રોબર્ટ વાડ્રાને મોટી રાહત, દિલ્હી કોર્ટે વિદેશ જવા આપી પરવાનગી

સીબીઆઇની વિશેષ કોર્ટે રોબર્ટ વાડ્રાને સારવાર માટે છ સપ્તાહ માટે વિદેશ જવાની અનુમતિ આપી દીધી છે. તમને જણાવી દઇએ કે વાડ્રાએ દિલ્હીનાં રાઉસ અવેન્યૂ કોર્ટમાં એક મેડિકલ સર્ટિફિકેટ જમા કરાવ્યા હતાં. તેમનું કહેવું એમ છે કે તેમની મોટી આંતમાં ટ્યૂમર છે અને તેઓને સારવાર માટે લંડન જવાની પરવાનગી આપવામાં આવે. આ પહેલા તેઓએ પ્રવર્તન નિર્દેશાલય (ઇડી)ની સામે પણ વિદેશ જવાની પરવાનગી આપવાની અપીલ કરી હતી.

બુધવારનાં રોજ વાડ્રાએ કોર્ટને પોતાનો પાસપોર્ટ પરત કરવા માટે કહ્યું જેથી તેઓ બીમારીની સારવાર માટે અને આગળની સારવાર કરાવવા માટે લંડનની યાત્રા કરી શકે. જો કે, દિલ્હીની કોર્ટે વાડ્રાનાં વિદેશ જવાના આવેદન પર ત્રણ જૂન સુધી પોતાનો ચુકાદો સુરક્ષિત રાખ્યો હતો.

વિદેશ જવાની સારવારવાળી અપીલ પર સુનાવણી કરતા વાડ્રાએ દિલ્હીનાં ગંગારામ હોસ્પિટલની એક મેડિકલ સર્ટિફિકેટ જમા કરાવ્યું હતું. જેમાં લખ્યું છે કે તેઓની મોટી આંતમાં ટ્યૂમર છે. આ સુનાવણી સીબીઆઇની વિશેષ કોર્ટમાં થઇ. જેમાં વાડ્રાનાં વકીલે પોતાનો દાવો પ્રસ્તુત કર્યો.

Delhi: CBI Special Court allows Robert Vadra to travel abroad for six weeks for medical treatment. pic.twitter.com/172ZDU3Tvq

— ANI (@ANI) June 3, 2019

વાડ્રાનાં વકીલ કેટીએસ તુલસીએ કોર્ટમાં દલીલ આપી કે તેઓ દરેક મોકા પર તપાસમાં સહયોગ કરે છે અને તેઓ સમન રજૂ થતા પહેલાં ભારત પરત આવી જશે. તેઓએ કહ્યું હતું કે, એવું ના કહી શકાય કે વાડ્રા તપાસમાં ભાગી જશે. આ જ કારણોસર તેઓને સારવાર માટે વિદેશ જવાની પરવાનગી આપી દેવાવી જોઇએ.

વાડ્રાનાં દાવાઓને ખારીજ કરતા ઇડીનાં વકીલે કોર્ટમાં કહ્યું હતું કે, મેડિકલ સર્ટિફિકેટ પર 13મેની તારીખ છે. તેઓએ પૂછ્યું કે, આખરે સર્ટિફિકેટને કોર્ટમાં પહેલા કેમ નહીં જમા કરવામાં આવ્યું. સર્ટિફિકેટમાં એમ કેમ લખ્યું છે કે તેઓને લંડનથી આગળ સલાહ-સૂચન લેવી જોઇએ? તે ક્યાંક અન્યએ પણ લઇ શકે છે.