મનોરંજન / CBIએ ફિલ્મ મેકર બંટી વાલિયા સામે કેસ દાખલ કર્યો, બેન્કમાં કરોડોની છેતરપિંડીનો આરોપ

• જસપ્રીત સિંહ વાલિયા (બંટી વાલિયા) સામે કેસ દાખલ
• બેન્કમાં કરોડોની છેતરપિંડીનો આરોપ
• બંટી વાલિયાએ તમામ આરોપ નકાર્યા

CBIએ IDBI બેન્કને 119 કરોડ રૂપિયાથી વધુના નુકસાન સાથે જોડાયેલ કથિત છેતરપિંડી કેસમાં ફિલ્મ મેકર જસપ્રીત સિંહ વાલિયા (બંટી વાલિયા) સામે કેસ દાખલ કર્યો છે. IDBI બેન્કે ફરિયાદમાં જણાવ્યું છે કે, જૂન 2008માં વાલિયા સહિત અન્ય વ્યક્તિગત ગેરંટી પર જીએસ એન્ટરટેઈનમેન્ટ પ્રાઈવેટ લિમિટેડને ફિલ્મ ‘લમ્હા’ માટે 23.5 લાખ ડોલર (10 કરોડ રૂપિયા)ની FCL અને 4.95 કરોડ રૂપિયાની આટીએલ મંજૂર કરી હતી. 

બેન્કનો દાવો
બેન્કે દાવો કર્યો છે કે, આ ફિલ્મ 2009માં રિલીઝ થવાની હતી, પરંતુ ‘પ્રમોટર્સ અને એક્ઝિબીટર્સ વચ્ચે વિવાદને કારણે આ ફિલ્મ રિલીઝ થઈ શકી નહોતી.’ 30 સપ્ટેમ્બર 2009ના રોજ આ ખાતુ NPA બની ગયું હતું. ત્યાર પછી GCEPL, PVR અને IDBI વચ્ચે કરાર હેઠળ ફિલ્મ રિલીઝ કરવા માટે એકમાત્ર વિતરક તરીકે PVR નિયુક્ત કરવામાં આવ્યું. PVRએ પ્રિંટ અને પ્રમોશન પર જરૂરી ખર્ચ, બાકી પ્રોડક્શન પૂર્ણ કરવા માટે 8 કરોડ રૂપિયાનું રોકાણ કર્યું હતું. 2 જૂન 2010ના રોજ GCEPL અને PVR વચ્ચે ત્રિપક્ષીય સમજૂતી થઈ હતી. 

બેન્કનો આરોપ
બેન્કે આરોપ મુક્યો છે કે, PVR કમિટમેન્ટ પર ખરું ઉતરી શક્યું નહોતું અને 83.89 લાખ રૂપિયાનું નુકસાન ભોગવવું પડ્યું હતું. કંપનીએ કુલ 7.41 કરોડ રૂપિયાની કમાણી કરી હતી, જેની સામે પ્રમોટ અને ડિસ્ટ્રીબ્યુશન પર 8.25 કરોડ રૂપિયાનો ખર્ચો કર્યો હતો. 
બેન્કે આરોપ મુક્યો છે કે, ફોરેન્સિક ઓડિટ પરથી જાણવા મળ્યું છે કે, કંપનીએ એક બોગસ પ્રમાણપત્ર જમા કર્યું હતું. બેન્કની રકમ ટ્રાન્સફર કરી અને ત્યાર પછી અન્ય ખાતામાં ટ્રાન્સફર કરી. GCEPL પર છેતરપિંડી, રેકોર્ડમાં હેરફેર, સાર્વજનિક નાણાંની હેરાફેરી, ખોટા નિવેદન અને વિશ્વાસના ઉલ્લંઘનનો આરોપ મુક્યો છે. 

બંટી વાલિયાએ મીડિયા રિપોર્ટને મોકલ્યું સ્ટેટમેન્ટ
બંટી વાલિયાએ મીડિયા રિપોર્ટને સ્ટેટમેન્ટ મોકલ્યું છે. જેમાં જણાવ્યું છે કે, ‘IDBIએ આના આધાર પર સીબીઆઈમાં ફરિયાદ કરી છે કે, અને ઈરાદાથી ડિફોલ્ટર જાહેર કર્યા છે. વાસ્તવિકતામાં તેની સામે રિવ્યૂ પેન્ડિંગ છે.’ તમને જણાવી દઈએ કે, IDBIનો દાવો DRTની પ્રોસેસમાં ન્યાય માટે પેન્ડિંગ છે, જેમાં તેની સામે કાઉન્ટરક્લેઈમ કરવામાં આવ્યો છે. બંટી વાલિયા જણાવે છે કે, ‘અમે માત્ર એટલું જ જણાવી છીએ કે, જે પણ આરોપ લગાવ્યા છે, તમામ આરોપ ખોટા અને પાયા વિહોણા છે. અમને પ્રવર્તન એજન્સી અને ન્યાય પ્રણાલી પર પૂર્ણ ભરોસો છે.’