કર્ણાટકના કોંગ્રેસ પ્રમુખ ડીકે શિવકુમારના અનેક સ્થળો પર કેન્દ્રીય અન્વેષણ બ્યૂરો એટલે કે CBIની ટીમે છાપેમારી કરી છે. ભ્રષ્ટાચારના કથિત કેસમાં CBIએ ડીકે શિવકુમારના કર્ણાટક અને મુંબઈ સહિત અન્ય સ્થાનો પર દરોડા પાડ્યા છે. કહેવાઈ રહ્યું છે કે CBIની ટીમે બેંગલુરુમાં ડીકે શિવકુમાર અને તેમના સાંસદ ભાઈ ડીકે સુરેશની સાથે જોડાયેલા 15 સ્થળોએ દરોડા પાડ્યા છે. તેમાં ડોડાલાહલ્લી, કનકપુરા અને સદાશિવ નગરમાં તેમના જૂના ઘર પર પણ દરોડા પાડવામાં આવ્યા છે.
ડી.કે. શિવકુમારની વધી મુશ્કેલી
CBIએ શિવકુમારના ઘરે પાડ્યા દરાડો
ડી.કે. સુરેશના ઘરે પણ સર્ચ ઓપરેશન
CBI raids are underway at the residence of DK Suresh too - Congress MP and brother of party's Karnataka chief DK Shivakumar, in Bengaluru. https://t.co/KzR40IyVSy
મળતી જાણકારી અનુસાર CBI ઈન્કમ ટેક્સ વિભાગમાં ટેક્સ ચોરીના આરોપોના આઘારે એક મની લોન્ડ્રિંગ કેસની તપાસ કરી રહ્યું હતું. આ સમયે ઈડીને કેટલીક માહિતી મળી,ઈડીએ આ જાણકારી CBIને આપી. માનવામાં આવી રહ્યું છે કે સીબીઆઈ આ કેસમાં દરોડા પાડી રહી છે. સોમવાર સવારથી શરૂ થયેલા દરોડામાં ડીકે શિવકુમારના ઘર અને અન્ય સ્થળો પણ સામેલ છે. કર્ણાટકના પૂર્વ મુખ્યમંત્રી અને કોંગ્રેસ નેતા સિદ્ધારમૈયાએ બદલાની રાજનીતિ ગણાવી છે. તેઓએ ભાજપ પર બદલાની રાજનીતિ કરવાનો આરોપ મૂક્યો છે.
.@BJP4India has always tried to indulge in vindictive politics & mislead public attention.
The latest CBI raid on @KPCCPresident@DKShivakumar's house is another attempt to derail our preparation for bypolls.
સિદ્ધારમૈયાએ ટ્વિટ કરીને કહ્યું કે ભાજપ હંમેશા બદલાની રણનીતિ કરવા અને લોકોને ગુમરાહ કરવાનો પ્રયાસ કરે છે. ડીકે શિવકુમારના ઘરે સીબીઆઈની રેડ પેટાચૂંટણીની તૈયારીઓ પર પાણી ફેરવવાની કોશિશ છે. હું આ ઘટનાની નિંદા કરું છું.