છેલ્લા બે દિવસથી દેશભરમાં CBI દ્વારા દરોડા પાડવામાં આવ્યા છે. લોન કૌભાંડ કેસમાં CBIએ ગુજરાતમાં પણ દરોડા પાડ્યા છે. અમદાવાદ, ભાવનગર, સેલવાસ અને સુરતમાં CBIના અધિકારીઓએ દરોડા પાડ્યા.
અમદાવાદ, ભાવનગર, સુરત, સિલવાસા અને વલસાડમાં ડિફોલ્ટર્સને ત્યાં દરોડા
વિવિધ કંપનીઓ સામે ચાલી રહ્યો છે 560 કરોડના કૌભાંડને કેસ
SRP બંદોબસ્ત સાથે દરોડાની કામગીરી હાથ ધરાઇ
અમદાવાદમાં CBIએ આર્ડોર ગ્લોબલ કંપનીમાં દરોડા પાડ્યા હતા. આ કંપનીની સામે 560 કરોડના કૌભાંડનો કેસ થયો છે. કંપનીના MD ફેનિલ શાહ અને ભરત શાહે 8 બેંકમાંથી 560 કરોડ રૂપિયાની લોન લીધી હતી.
મોટી લોન કૌભાંડમાં CBI એ હાથ ધરી કાર્યવાહી
નોંધનીય છે કે, ગુજરાતના સૌથી મોટી લોન કૌભાંડમાં સીબીઆઈએ અમદાવાદ, ભાવનગર, સુરત, વલસાડ અને સિલવાસામાં દરોડા પાડ્યા હતા. જેમાં CBI એ મોટા કોથળા ભરીને દસ્તાવેજો જપ્ત કર્યા છે. સીબીઆઈએ પ્રાથમિક તપાસમાં બેન્ક પાસબુક, બેન્ક ખાતાઓ સીઝ કર્યા હતા આ સાથે જ કેટલીક રોકડ રકમ અને જ્વેલરી પર પ્રાપ્ત થઇ છે. મોડી રાતથી સુધી સીબીઆઈનું સર્ચ ઓપરેશન ચાલ્યું હતું.
મંગળવાર સવારથી રાજ્યમાં CBI ના દરોડા
મંગળવારની વહેલી સવારથી જ રાજ્યની CBI દ્વારા SRP બંદોબસ્ત સાથે બેન્ક ડિફોલ્ટરોને ત્યાં દરોડા પાડવાની કામગીરી હાથ ધરવામાં આવી હતી. અમદાવાદના SG હાઈવે પર આવેલ આર્ડોર ગ્લોબલ પ્રાઈવેટ લિમિટેડ કંપનીના કુલ 560 કરોડના બેન્ક લોન કૌભાંડની તપાસ સીબીઆઈ કરી રહ્યાં છે.