કન્દ્રીય તપાસ બ્યૂરો (CBI) એ વર્ષ 2009માં 75 બેઝિક ટ્રેનર એરક્રાફ્ટની ખરીદીમાં કથિત અનિયિતતાઓને લઇને વાયુસેના, રક્ષા મંત્રાલલના અજ્ઞાત અધિકારીઓ. હથિયાર ડીલર સંજય ભંડારી અને સ્વિટ્ઝરલેન્ડની વિમાન કંપની પિલેટ્સ એરક્રાફ્ટ લિમિટેડના અધિકારીઓ વિરુદ્ધ મામલો નોંધ્યો છે. સીબીઆઇનો આરોપ છે કે આ ડીલમાં કથિત રૂપે 339 કરોડ રૂપિયાની લાંચ આપવામાં આવી હતી.
સીબીઇ (CBI) એ શુક્રવારે ભંડારી અને અન્ય આરોપીઓના ઠેકાણાઓ પર દિલ્હી અને આસપાસના ક્ષેત્રમાં દરોડા પાડ્યા હતા. અધિકારીઓએ જણાવ્યુ કે ઘણી જગ્યાઓ પર દરોડો પાડવામાં આવશે. સીબીઆઇ તરફથી નોંધવામાં આવેલી એફઆરઆઇમાં હથિયાર ડીલર સંજય ભંડારીની કંપનીનો પણ ઉલ્લેખ કરવામાં આવ્યો છે. જેની ઓફિસ દિલ્હીના પંચશીલ પાર્કમાં છે.
ટ્રેનર એરક્રાફ્ટનો ઉપયોગ એર ફોર્સ જોઇન કરનાર કેડેટ્સને ઉડાન ભરવાનું શીખવવા માટે કરવામાં આવે છે. ભારતીય વાયુસેનાએ સ્વદેશી HTP-32માં સતત ખામીઓ આવ્યા બાદ તેના ઓપરેશન બંધ કર્યા બાદ પિલેટ્સ વિમાન ખરીદવાનો નિર્ણય કર્યો હતો. મનમોહન સિંહ સરકારે 75 પિલેટ્સ વિમાન ખરીદવા માટે 2896 કરોડ રૂપિયાની ડીલ કરી હતી.