યુપી / ચકચારી DSP ઝિયા ઉલ હક મર્ડર કેસના તમામ આરોપીઓને આજીવન કારાવાસની સજા

યુપીના પ્રતાપગઢના કુંડામાં સર્કલ પોલીસ ઓફિસર ઝિયા-ઉલ-હક હત્યા કેસમાં ચુકાદો આવી ગયો છે. સીબીઆઈએ કોર્ટે તમામ 10 આરોપીઓને આજીવન કારાવાસની સજા તથા દરેકને 19,500 રૂપિયાનો દંડ ફટકાર્યો છે. આ દંડનો અડધો ભાગ સીઓ (ડેપ્યુટી એસપી) ઝિયા ઉલ હકની પત્ની પરવીન આઝાદને આપવામાં આવશે. CBI સ્પેશિયલ કોર્ટના જજ ધીરેન્દ્ર કુમારે તમામ 10 આરોપીઓને આ સજા સંભળાવી છે. જેમાં ફૂલચંદ યાદવ, પવન યાદવ, મનજીત યાદવ, ઘનશ્યામ સરોજ, રામ લખન ગૌતમ, છોટે લાલ યાદવ, રામ આસારે, પન્નાલાલ પટેલ, શિવરામ પાસી અને જગત બહાદુર પટેલ ઉર્ફે બુલ્લે પટેલનો સમાવેશ થાય છે. આ પહેલા 5 ઓક્ટોબરે સીબીઆઈ સ્પેશિયલ કોર્ટે આ તમામ આરોપીઓને દોષિત જાહેર કર્યા હતા.

વધુ વાંચો : પ્રદશિણા કરીને ચિતા પર બેસી, પડતાં પતિનો પગ પકડીને બેઠી, જાણો રુપ કંવર કેવી રીતે સતી થઈ?

2 માર્ચ 2013ના રોજ શું બન્યું હતું?

ઉલ્લેખનીય છે કે 2 માર્ચ 2013ના રોજ સાંજે 7:30 વાગ્યે કુંડાના બલીપુર ગામના વડા નન્હે યાદવની જમીનના વિવાદને કારણે ગોળી મારીને હત્યા કરવામાં આવી હતી. પ્રધાનના સમર્થકો હથિયારો સાથે બલીપુર પહોંચ્યા હતા અને કમતા પાલના ઘરને આગ ચાંપી દીધી હતી. ઘટનાની માહિતી મળતા જ સીઓ કુંડા ઝિયાઉલ હક, તત્કાલીન હાથીગવાન એસઓ મનોજ કુમાર શુક્લા અને કુંડા એસઓ સર્વેશ મિશ્રા પોલીસકર્મીઓ સાથે ઘટનાસ્થળે પહોંચી ગયા હતા. ટોળાએ પોલીસને ઘેરી લીધી હતી. સીઓ ગુસ્સે થયેલી ભીડને સમજાવી રહ્યા હતા કે ઝઘડો ચાલી રહ્યો હતો કે પ્રધાન નન્હે યાદવના નાના ભાઈ સુરેશ યાદવને પણ ગોળી મારી દેવામાં આવી હતી. આ પછી ગુસ્સે ભરાયેલા ટોળાએ સીઓ ઝિયા ઉલ હક એટલો સખત માર માર્યો કે તેમનું સ્થળ પર જ મોત થયું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ