CBIએ વિડીયોકોન ઇન્ડસ્ટ્રીઝ લિમિટેડ દ્વારા આફ્રિકામાં તેલ અને ગેસ સંપત્તિના સંપાદનમાં અનિયમિતતાનો આક્ષેપ કર્યો હતો જે પાછળથી SBI આગેવાની હેઠળની બેંકોના કન્સોર્ટિયમ દ્વારા લેવામાં આવ્યા હતા.
સીબીઆઈએ વિડીયોકોનનાં CMD વેણુગોપાલ ધૂત પર સ્ટેટ બેંક ઓફ ઈન્ડિયાની (SBI) આગેવાની હેઠળના બેંકોના કન્સોર્ટિયમને ખોટી રીતે નુકસાન પહોંચાડવા બદલ કેસ કર્યો છે. એજન્સીએ વિડીયોકોન ઇન્ડસ્ટ્રીઝ લિમિટેડ દ્વારા આફ્રિકાના મોઝામ્બિકમાં તેલ અને ગેસ સંપત્તિના સંપાદનમાં ગેરરીતિઓનો આરોપ લગાવ્યો હતો, જેને પાછળથી સ્ટેટ બેંક ઓફ ઈન્ડિયાની આગેવાની હેઠળના કન્સોર્ટિયમ દ્વારા લેવામાં આવ્યો હતો.
એજન્સીએ એવો પણ આરોપ લગાવ્યો છે કે જાહેર ક્ષેત્રની બેંકો SBI, IDBI અને ICICIએ 650 મિલિયન ડોલર ચૂકવવાને બદલે સ્ટાન્ડર્ડ ચાર્ટર્ડ બૅંકને વેચાણની પ્રોસેસ માટે $705.45 મિલિયન ડોલર ચૂકવ્યાં છે. જે વેણૂગોપાલ ધૂતના માથે દેવું હતું
આગળ એવો આક્ષેપ કરવામાં આવ્યો છે કે બેન્કોએ આ રકમ ફેબ્રુઆરી 2013 માં ચૂકવી હતી, પરંતુ તેઓએ નવેમ્બર, 2013 સુધીમાં સંપત્તિનો હવાલો લીધો ન હતો, જેના કારણે બેંકને મોટું નુકસાન પહોંચ્યું હતું અને આ નવ મહિના દરમિયાન વીડિયોકોનને ખોટી રીતે ફાયદો કરાવ્યો હતો.
સીબીઆઈએ આ વ્યવહારોની 2019માં પ્રાથમિક તપાસ ત્યારે શરૂ કરી હતી જ્યારે આ વ્યવહારોને લગતા કેટલાંક દસ્તાવેજો જેમાં વેણૂગોપાલ ધૂતના ICICI બેંક સાથેના કનેક્શન જણાયા હતાં. CBIએ આ તપાસત્રણ બેંકો, વીડિયોકોન ગ્રુપ અને સ્ટાન્ડર્ડ ચાર્ટર્ડ બૅંક વિરુદ્ધ શરૂ કરી હતી.
સીબીઆઈના સૂત્રોએ જણાવ્યું હતું કે, "એજન્સીને આ મામલામાં પ્રથમ દ્રષ્ટિએ ગુનો લાગતા બાદ રેગ્યુલર કેસ દાખલ કરવામાં આવ્યો છે. હાલ આ મામલે તપાસ ચાલી રહી છે. સૂત્રો અનુસાર વેણૂગોપાલ ધૂતને ટૂંક સમયમાં સમન્સ પાઠવવામાં આવશે.
ઉલ્લેખનીય છે કે વેણૂગોપાલ ધૂત સામે અગાઉથી જ CBI અને ED આઈસીઆઈસીઆઈ બેંક દ્વારા રૂ. 1,875 કરોડની લોનમાં ગેરરીતિ, ભ્રષ્ટ વ્યવહાર અને મની લોન્ડરિંગ અંગે પણ તપાસ કરી રહી છે.