CBIએ ગાંધીનગરના ઈન્સ્પેકટર સુનીલ નાયર વિરુદ્ધ ઉદ્યોગપતિ શૈલેશ ભટ્ટ પાસેથી પૈસા વસુલ કરવાનો કેસ નોંધ્યો છે.સુનીલ નાયરે ઉદ્યોગપતિ શૈલેશ ભટ્ટને ધમકી આપી કે જો તે લાંચ ન આપે તેના પર કથિતરૂપે બ્લેકમની રાખવા માટે ED અને ઈન્કમટેક્સની રેડ પાડવામાં આવશે. સુનીલ નાયર ગાંધીનગર CBIમાં ઇન્સ્પેકટરના પદ પર હતા. ગયા વર્ષે ફેબ્રુઆરી માસમાં નાયરે કિરીટ માધુભાઈ પલાડીયા સાથે મળીને સમગ્ર કાવતરું ઘડ્યું હતું.
સુનીલ નાયરે ઉદ્યોગપતિને CBI કાર્યાલય બોલાવી રૂપિયાની માંગણી કરી
પ્રાથમિક તપાસ મુજબ ઓફીસના લેન્ડલાઈન દ્વારા ઘણીવાર રૂપિયા માંગવામાં આવ્યા
ઉદ્યોગપતિ શૈલેશ ભટ્ટને ધમકાવીને બે તબક્કામાં ચાર કરોડ 60 લાખ રૂપિયા પડાવી લીધા
CBIએ પ્રાથમિક ધોરણે કેસ દાખલ કરીને તપાસ હાથ ધરી
CBIએ પોતાના જ એક અધિકારી વિરુદ્ધ કેસ દાખલ કર્યો છે. ગાંધીનગરના એક અધિકારીએ ઉદ્યોગપતિને ED અને ઈન્કમ ટેક્સની ધમકી આપી કરોડો રૂપિયા પચાવી પાડ્યા હતા. CBIએ પ્રાથમિક ધોરણે કેસ દાખલ કરીને તપાસ હાથ ધરી છે. પ્રાથમિક તપાસ મુજબ સુનીલ નાયરે ઉદ્યોગપતિ શૈલેશ ભટ્ટને ધમકાવીને બે તબક્કામાં ચાર કરોડ 60 લાખ રૂપિયા પડાવી લીધા હતા.
આપને જણાવી દઈએ કે આરોપી અધિકારી ગાંધીનગરમાં ઇન્સ્પેકટરના પદ પર તહેનાત હતા અને કિરીટ મધુભાઈ પલાડીયા સાથે મળીને ગયા વર્ષે ફેબ્રુઆરી મહિનામાં ઉદ્યોગપતિ શૈલેશ ભટ્ટને ધમકાવી પૈસાની વસુલી માટે કાવતરું ઘડ્યું હતું.
પ્રાથમિક તપાસ મુજબ ઉદ્યોગપતિ વિરુદ્ધ બીટકોઈનનો કોઈ કેસ નથી
CBIએ જે આરોપ લગાવ્યો છે તે મુજબ 5 ફેબ્રુઆરીનાં રોજ સુનીલ નાયરે ઉદ્યોગપતિ શૈલેશ ભટ્ટને ગાંધીનગર સ્થિત CBI કાર્યાલયમાં બોલાવ્યા ભટ્ટને બ્લેક મની માટે બીટકોઈન રાખવાનો આરોપ લગાવી ED અને ઈન્કમટેક્સ દ્વારા રેડ પડવાની ધમકી આપી અને તેના બદલામાં દસ કરોડ રૂપિયા માંગ્યા જોકે બાદમાં બેય વચ્ચે પાંચ કરોડમાં વાત નક્કી કરી દેવામાં આવી. નાયરે CBI કાર્યાલયના લેન્ડલાઈન દ્વારા જ ઘણીવાર કરોડોની માંગણી કરી હતી.શૈલેષ ભટ્ટે 4 કરોડ 60 લાખ રૂપિયા બે તબક્કામાં આપ્યા હતા. પ્રાથમિક તપાસમાં જાણવા મળ્યું છે કે આજસુધી શૈલેષ ભટ્ટ પર કોઈ જ બીટકોઈન મામલે કોઈ જ કેસ નોંધવામાં આવ્યો નથી.