કૌભાંડ / હવે કોલસા કૌભાંડમાં અદાણીના પણ હાથ કાળા થયા? CBIએ નોંધી ફરિયાદ

• કૌભાંડથી MCLને ૯૭ કરોડની ખોટ ગઈ છે
• ખરીદી અને વેચાણમાં FSAની શરતોનું પાલન ન થયું હોવાનો આક્ષેપ

શું છે ફરિયાદ?

FIRમાં જણાવ્યા મુજબ મહાનંદી કોલફિલ્ડ લિમિટેડના સરકારી અધિકારીઓ જેમાં શ્રીમતી કબેરી મુખર્જી (પૂર્વ ચીફ મેનેજર ફાઈનાન્સ), શ્રી અનીલ ભૌમિક (પૂર્વ સીનીયર મેનેજર ફાઈનાન્સ) વગેરે જેવા અધિકારીઓએ પોતાના પદનો ગેરલાભ ઉઠાવીને ૨૦૧૩ થી ૨૦૧૭થી વચ્ચે ૨૫ જેટલા આરોપી કોલસાની ગ્રાહક કંપનીઓ સાથે મળીને FSA (ફ્યુઅલ સપ્લાય અગ્રીમેન્ટ)નો છડેચોક ભંગ કરીને FSAની શરતોનું પાલન કર્યા વિના અને વેચાણનો ડેટા ગેરકાયદેસર રીતે બદલીને ખરીદ વેચાણમાં મોટા પાયાનું કૌભાંડ આચર્યું હોવાની ફરિયાદ છે. 

એવી ફરિયાદ છે કે આ પ્રકારની ઘાલમેલથી MCLને ૯૭ કરોડ જેટલી ખોટ ગઈ છે અને મળતિયા કંપનીઓને કરોડો રૂપિયાનો ફાયદો થયો છે. 

આ ૨૫ કંપનીઓ વિરુદ્ધ ફરિયાદ

1. Talwandi Saboo Power Ltd
2. Vedanta Ltd
3. ACC Ltd
4. Adani Power Ltd
5. Adani Power Maharashtra Ltd Unit 3
6. Adani Power Maharashtra Ltd Unit 1
7. Adani Steels Limited
8. SESA Sterlite Limited (IPP) Now Vedanta Ltd
9. Haldia Energy Ltd
10. Atibir Industries co Ltd
11. Haldia Steels Ltd
12. BILT Graphic Product Ltd
13. J K Paper Ltd
14. JSL Ltd
15. Jindal Stainless
16. Jindal Steel & Power Ltd
17. Aryabrata Trading Pvt Ltd
18. Kohinoor Paper and Newsprint (P) Ltd
19. MSP Sponge and Power
20. MSP Steel and Power
21. IMFA
22. Utkal Manufacturing and Services Ltd
23. IFFCO
24. Emami Biotech Limited
25. Factor Power Ltd

કોલસાના આંકડાઓમાં કરી છે ગફલત 

ફરિયાદમાં જણાવ્યા પ્રમાણે:

1. કોલકાતા ની MCL ઓફિસના અધિકારીઓએ કોલસાના પુરવઠાનો જથ્થો અને કંપનીઓને અપાયેલા બિલની રકમમાં પણ ફેરફાર કરવામાં આવ્યો છે તેવો આક્ષેપ છે. આ ઉપરાંત ઘણી કંપનીઓએ ચુકવણીમાં વિલંબ કર્યો હતો. આ વિલંબ બદલ કંપનીઓ પાસે વળતર રૂપે વ્યાજ ઉઘરાવવાનો ઉલ્લેખ FSAમાં થયેલો છે પણ આ અધિકારીઓએ કંપનીઓ પાસે ઉઘરાણીની તસ્દી લીધી નહોતી. આ ગણતરી પ્રમાણે MCLને માર્ચ ૨૦૧૮ સુધી ૮૫.૯૯ કરોડની ખોટ ગઈ હતી.

2. આ કંપનીઓના MCL સાથેના લેજર બેલેન્સ નેગેટિવ હોવા છતાં તેમને ખરીદીનો ગેરકાયદેસર રીતે મોકો આપવામાં આવ્યો છે. ૨૦૧૩ થી ૨૦૧૭ સુધી આ ૨૫ કંપનીઓને કોલસાનો પુરવઠો આપીને MCL ફક્ત ૧૪૭.૭ કરોડની આવક મેળવી શક્યું. આ ૨૫ કંપનીઓએ ગેરકાયદેસર રીતની અંદરો અંદર ફંડ ટ્રાન્સફર કરીને MCLને આશરે બીજા 11 કરોડની ખોટ કરાવી છે એવો આરોપ છે. આમ કુલ આ કૌભાંડથી MCLને ૯૭ કરોડ રૂપિયાની ખોટ ગઈ હોવાનો આક્ષેપ છે.

આ ઉપરાંત MCLએ આ કોલ કંપનીઓને ઇન્સ્ટોલમેન્ટમાં પેમેન્ટ કરવાનો વિકલ્પ આપ્યો જે FSAની શરતો પ્રમાણે ગેરકાયદેસર છે. આ મુદ્દે CBIએ ભ્રષ્ટાચારની અને કૌભાંડની કાયદાકીય કલમો લગાવીને તપાસ હાથ ધરી છે.