ચેતવણી / સાવધાનઃ તમારુ સેનેટાઈઝર ઝેરી હોઈ શકે છે, પહેલી વાર CBIએ આ એલર્ટ જાહેર કર્યુ

• સીબીઆઈએ એલર્ટ જાહેર કર્યુ
• હેન્ડ સેનિટાઇઝર્સ ઝેરી હોઈ શકે છે
• માનવ શરીરને નુકસાન થઈ શકે છે

સેનિટાઇઝરમાં મિથેનોલનો ઉપયોગ કરવામાં આવી રહ્યો છે

સીબીઆઈને ઇન્ટરપોલ દ્વારા મળેલી માહિતીને આધારે સીબીઆઈએ દેશભરની પોલીસ અને કાયદા અમલીકરણ એજન્સીઓને એલર્ટ કરી દીધી છે કે ઘણી ગેંગ ખૂબ જ ઝેરી મિથેનોલનો ઉપયોગ કરીને બનાવેલા હેન્ડ સેનિટાઇઝર વેચે છે અને બીજી એક ગેંગ પણ કામ કરી રહી છે જે પોતાને પીપીઇ અને કોવિડ -19 સાથે સંકળાયેલ તબીબી સપ્લાયર તરીકે ઓળખ આપે છે. અધિકારીઓએ સોમવારે આ માહિતી આપી.

આવા સેનિટાઇઝરનો ઉપયોગ ખૂબ જોખમી છે

અધિકારીઓએ જણાવ્યું હતું કે, એક વૈશ્વિક પોલીસ સહયોગ એજન્સી ઇન્ટરપોલને માહિતી મળી છે કે મિથેનોલનો ઉપયોગ કરીને નકલી હેન્ડ સેનિટાઇઝર્સ બનાવવામાં આવી રહ્યા છે. મિથેનોલ એક ખૂબ જ ઝેરી પદાર્થ છે. તેમણે કહ્યું કે, કોવિડ -19 દરમિયાન ઝેરી હેન્ડ સેનિટાઇઝરના ઉપયોગ વિશે અન્ય દેશોમાંથી પણ માહિતી મળી છે. એક અધિકારીએ કહ્યું, "મિથેનોલ ખૂબ ઝેરી હોઈ શકે છે અને માનવ શરીર માટે જોખમી સાબિત થઈ શકે છે."
છેતરપિંડીના નવા કેસ પણ આવી રહ્યા છે

અધિકારીઓએ જણાવ્યું હતું કે ઇન્ટરપોલ પાસેથી માહિતી મળ્યા બાદ સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) એ પોલીસ અધિકારીઓને આ રીતે તાત્કાલિક આવી ગેંગને રોકવા ચેતવણી આપી હતી. ઇન્ટરપોલનું મુખ્ય મથક લૉયનમાં છે અને ભારતમાં તેની સાથે સંકલન માટેની જવાબદારી સીબીઆઈ પાસે છે.

તેમણે કહ્યું કે, વિશ્વ કોરોના વાયરસના રોગની પકડમાં આવી ગયું છે અને વિશ્વની અર્થવ્યવસ્થા કથડી રહી છે. ત્યારે ઘણા સંગઠિત ગુનાહિત જૂથો આંતરરાષ્ટ્રીય સ્તરે ઉભરી આવ્યા છે. જેમાં ગેરકાયદેસર પ્રવૃત્તિઓ અને કોવિડ -19 ઉપકરણ કંપનીઓના પ્રતિનિધિઓ બનીને નાણાંની કમાણી કરી રહ્યાં છે.  છેતરપિંડી કરવામાં આવી રહી છે

એજન્સીના સૂત્રોએ જણાવ્યું હતું કે કેટલાક ગુનેગારો કોવિડ -19 સાથે સંકળાયેલા પીપીઈ કીટ અને સાધનસામગ્રીના ઉત્પાદકના પ્રતિનિધિઓ બનીને હોસ્પિટલો અને આરોગ્ય અધિકારીઓનો સંપર્ક કરી રહ્યા છે. આવા માલની અછતનો લાભ લઈ તેઓ અધિકારીઓ અને હોસ્પિટલો દ્વારા ઓનલાઇન એડવાન્સ પેમેન્ટ મેળવે છે, પરંતુ પૈસા લીધા પછી તેઓ માલ આપતા નથી.