જાહેરાત / ઇન્કમ ટેક્સ રિટર્ન ભરવાની મુદ્દત વધી, માત્ર આ લોકોને મળશે રાહત

સેન્ટ્રલ બોર્ડ ઓફ ડાયરેક્ટ ટેક્સીસ (CBDT) એ એવી જાહેરાત કરી છે કે કેટલાક કિસ્સામાં ઇન્કમટેક્સ રિટર્ન ફાઇલ કરવાની મુદત એક મહિનો લંબાવીને ૩૧ ઓક્ટોબર કરવામાં આવી છે. સીબીડીટીએ જણાવ્યું છે કે ખાસ કરીને ઓડિટ રિપોર્ટની જરૂરિયાતવાળા સ્પેશિયલ કિસ્સામાં ઇન્કમટેક્સ રિટર્ન ભરવાની અંતિમ તારીખ એક મહિનો વધારીને ૩૧ ઓક્ટોબર કરાઇ છે.

આ અગાઉ ઇન્કમટેક્સ રિટર્ન ફાઇલ કરવાની અંતિમ તારીખ ૩૦ સપ્ટેમ્બર, ૨૦૧૯ હતી, જે હવે સીબીડીટીએ એક મહિનો વધારીને ૩૧ ઓક્ટોબર, ૨૦૧૯ કરી દીધી છે.

On consideration of representations recd from across the country,CBDT has decided to extend the due date for filing of ITRs & Tax Audit Reports from 30th Sep,2019 to 31st of Oct,2019 in respect of persons whose accounts are required to be audited.Formal Notification will follow.

— Income Tax India (@IncomeTaxIndia) September 26, 2019

સીબીડીટીએ મોડી રાતે એક નિવેદન જારી કરીને જણાવ્યું છે કે દેશભરમાંથી મળેલ પ્રતિભાવને ધ્યાનમાં રાખીને સીબીડીટીએ આવા લોકો માટે આઇટીઆર અને ઓડિટ રિપોર્ટ ફાઇલ કરવાની અંતિમ તારીખ ૩૦ સપ્ટેમ્બરથી વધારીને ૩૧ ઓક્ટોબર કરી છે.

આ નિર્ણયનો લાભ જેમના એકાઉન્ટ્સનું ઓડિટ થવાનું હજુ બાકી છે તેમને મળશે. સીબીડીટીએ જણાવ્યું હતું કે આ માટે વિધિવત્ નોટિફિકેશન ટૂંક સમયમાં ઇશ્યૂ કરવામાં આવશે.

આ આઇટીઆર એ જ લોકો ભરશે, જેમનું એસેસમેન્ટ ઇન્કમટેક્સ એક્ટની કલમ-૪૪ એબી હેઠળ કરવામાં આવે છે, જેમાં કંપનીઓ, પાર્ટનરશિપ કંપનીઓ, પ્રોપ્રાઇટરશિપ વગેરેનો સમાવેશ થાય છે અને જેમણે એકાઉન્ટના ફાઇલિંગ પહેલાં ઓડિટ કરવાની જરૂર હોય છે.