સાવધાન અમદાવાદીઓ કોઇને પણ લિફ્ટ આપતા ચેતજો નહીંતર થશે આવા હાલ

અમદાવાદના મણિનગર રેલવે ફાટક પાસે લૂંટનો બનાવ સામે આવ્યો છે. કહે છે કે ભલાઇનો જમાનો નથી રહ્યો તેવો જ એક સણસણતો કિસ્સો સામે આવ્યો છે.

સમગ્ર અહેવાલ વિશે જણાવીયે તો અમદાવાદના મણિનગર રેલવે ફાટક પાસે અજાણ્યા શખ્સે બાઈકચાલક પાસે લીફ્ટ માગી હતી. લીફ્ટ આપ્યા બાદ લીફ્ટ લેનારે છરી બતાવીને બાઈક સવાર પાસેથી મોબાઈલ અને રોકડની લૂંટ ચાલાવી હતી.

આ ઉપરાંત પૈસા પડાવી લીધા બાદ છરીથી હુમલો કરતા ઘાયલ બાઈકચાલકને સારવાર માટે લઈ જવાયો હતો. જ્યારે પોલીસે સમગ્ર ઘટનાની તપાસ શરૂ કરી છે.

જ્યારે અહીં સવાલ ઉભો થાય છે કે આવી રીતે ખુલ્લેઆમ લૂંટથી લોકોમાં ડરનો માહોલ ઉભો થઇ રહ્યો છે વારે-તહેવારે આવા કિસ્સાઓ સામે આવવાના કારણે લોકો કોઇને લીફ્ટ આપતા પણ ડરે છે.