કેનેડામાં વર્ક પરમિટના વિઝાના આપવાને બહાને વડોદરામાં છેતરપિંડીની ઘટના સામે આવી
વડોદરામાં વિઝાના નામે છેતરપિંડી
યુવકે લોકો પાસે પડાવ્યા લાખો રૂપિયા
નોકરી,વિઝાની લાલચ આપી કરી ઠગાઈ
કેનેડામાં વર્ક પરમિટના વિઝા આપવાને બહાને વડોદરામાં છેતરપિંડીની ઘટના સામે આવી છે. ચેતન પટેલ નામના યુવકે કેનેડા વર્ક પરમિટના વિઝા અપાવવાનું કહીને લાખો પડાવ્યા હોવાની વડોદરાના પાણીગેટ પોલીસ સ્ટેશનમાં ફરિયાદ નોંધાઈ છે.
વડોદરામાં વિઝાના નામે છેતરપિંડી
આ ઠગબાજ ટોળકી વર્ક પરિમિટ અને નોકરી આપવાની બહાને લોકો સાથે ઠગાઈ કરતા અને રૂપિયા પડાવતા હતા અત્યાર સુધીમાં તેમને અનેક લોકોની સાથે છેતરપિંડી કર્યા હોવાનું પણ મનાઈ રહ્યું છે. ત્યારે આરોપી ચેતન પટેલ અને તેના સાળા સહિત કુલ 6 લોકો સામે વડોદરામાં ફરિયાદ નોંઘાતા પોલીસ તપાસ હાથ ધરી છે.મહત્વનું તો એ છે કે જ્યારે પોલીસ આરોપીની ધરપકડ કરવા પહોંચી ત્યારે આરોપી બિમારી હોવાનું કહીને હોસ્પિટલમાં દાખલ થઈ ગયો હતો.
યુવકે લોકો પાસે પડાવ્યા લાખો રૂપિયા
ઉલ્લેખનિય છે કે આરોપી ચેતન પટેલે કેનેડામાં વર્ક વિઝા મેળવી આપવાની લાલચ આપી 5.60 લાખ રૂપિયા પડાવ્યા હોવાની મનાઈ રહ્યું છે એટલું જ નહીં અરજદારને નકલી વિઝા પધરાવી નોકરી અપાવવાની લાલચ પણ આપવામાં આવી હતી, જ્યારે અરજદારી વિઝા ચેક કરતા સમગ્ર મામલો સામે આવ્યો હતો જે બાદ પૈસા લેવા માટે પરત ગયેલા અરજદારને રાજકીય ધમકી આપવામાં આવતા અરજદારે પોલીસ મથકમાં ફરિયાદ નોંધાવી હતી.
નોકરી,વિઝાની લાલચ આપી કરી ઠગાઈ
જે બાદ પોલીસ આરોપીની ધરપકડ કરતા પહોંચી તો આરોપી હોસ્પિટલમાં દાખલ થઈ જતા પોલીસ પણ મુજવણમાં મુકાઈ ગઈ હતી. જો કે આરોપી ચેતન પટેલને લઈ પોલીસે વધુ તપાસ હાથ ધરી આગળની કાર્યવાહી હાથ ધરી છે.