સેક્સ્યુઅલી ટ્રાન્સમિટેડ ઈન્ફેક્શનને STI પણ કહેવામાં આવે છે. એક એવું સંક્રમણ જે એક વ્યક્તિથી બીજા વ્યક્તિમાં શારીરિક સંબંધ બનાવવાના કારણે ફેલાય છે.
STI કે STD થવાના ઘણા કારણો
આવા લક્ષણો દેખાય તો ચેતી જજો
જાણો આ રોગ ન થાય તેના માટે શું કરવું
સેક્સ્યુઅલી ટ્રાન્સમિટેડ ઈન્ફેક્શન (STI) અથવા STD એક એવું ઈન્ફેક્શન છે જે યૌન સંપર્કના માધ્યમથી એક વ્યક્તિમાંથી બીજી વ્યક્તિમાં ફેલાય છે. અહીં સંક્રમણ સામાન્ય પીતે વજાઈનલ, ઓરલ અથવા એનલ સેક્સ દ્વારા ફેલાય છે. પરંતુ ઘણી વખતે આ સંક્રમણ ફક્ત યૌન સંપર્કથી જ નહીં પરંતુ ઘણા કારણોથી પણ ફેલાય છે. જેવા કે કોઈ રોગીનું ઈન્જેક્શન અથવા શેવિંગ બ્લેડનો ઉપયોગ કરવાથી, ખુલ્લા ઘા અથવા સંક્રમિત વ્યક્તિની વસ્તુઓનો ઉપયોગ કરવાથી.
જણાવી દઈએ કે પુરૂષ અને મહિલાઓ બન્ને એસટીડીથી સંક્રમિત થઈ શકે છે. જો કોઈ ગર્ભવતી મહિલા એસટીડીથી સંક્રમિત છે તો તે સંક્રમણ તેના બાળકોમાં ફેલાઈ શકે છે. આજે અમે તમને પુરૂષોમાં જોવા મળતા એસટીડીના લક્ષણ, કારણ અને ઉપાયો વિશે જણાવવા જઈ રહ્યા છીએ.
કેટલા ટાઈપનું હોય છે એસટીડી?
પુરૂષોમાં થતી કોમન અસટીડીમાં શામેલ છે. ક્લેમાઈડિયા, ગોનોરિયા, ટ્રાઈકોમોનિએસિસ અને જેનિટલ હર્પીસ. પુરૂષોમાં મળી આવતા અમુક STD એવા પણ છે જેના કોઈ લક્ષણ નથી જોવા મળતા.
શું છે પુરૂષોમાં એસટીડીના લક્ષણ
ગુપ્તઅંગમાં ખંજવાડ અને બળતરા
ગુપ્તઅંગમાંથી ડિસ્ચાર્જ
પેલ્વિસની આસપાસ દુખાવો
ગુપ્તઅંગની આસપાસ ઘા અથવા છોલાઈ જવું
યુરિન પાસ કરતી વખતે અથવા મળ ત્યાગ કરતી વખતે દુખાવો કે બળતરા થવી
વારંવાર બાથરૂમ જવું
STDના કારણ
શરીરમાં મોઈસ્ચર વાળી જગ્યાઓ પર થતા બેક્ટેરિયા અને વાયરસ એસટીડીના કારણે બને છે. આ બેક્ટેરિયા સેક્સના માધ્યમથી એક વ્યક્તિમાંથી બીજી વ્યક્તિમાં જાય છે. ઘણા કેસમાં આ સંક્રમણ ખૂબ જ મામુલી હોય છે જ્યારે ઘણા કેસમાં આ ખૂબ જ ખતરનાક સાબિત થાય છે.
શું STDને ઠીક કરી શકાય છે?
બેક્ટેરિયાના કારણે થતા એસટીડીને એન્ટીબાયોટિક દવાઓથી ઠીક કરી શકાય છે. જ્યારે અમુક એસટીડી જેવા હર્પીઝ અને એચઆઈવી ઈન્ફેક્શનની કોઈ સારવાર નથી અને આ સમસ્યા જીવનભર રહે છે. મહત્વનું છે કે એસટીડીના શરૂઆતી લક્ષણોને ઓળખીને તેને ફેલાવવાથી રોકી શકાય છે.
કોને હોય છે એસટીડીનો વધારે ખતરો
એસટીડીની સમસ્યા કોઈ પણ વ્યક્તિને થઈ શકે છે. ખાસ કરીને આ સમસ્યા એ લોકોમાં વધારે જોવા મળે છે જે એકથી વધારે લોકોની સાથે શારીરિક સંબંધ બાંધે છે. સાથે જ જે લોકો યુઝ કરેલી સોઈનો ફરી ઉપયોગ કરે છે. તેમને પણ એસટીડી થવાનો ખતરો ખૂબ વધારે રહે છે. તેનાથી બચવા માટે જરૂરી છે કે શારીરિક સંબંધ બાંધતી વખતે પ્રોટેક્શનનો ઉપયોગ કરો. તેનાથી એસટીડી થવાનો ખતરો એકદમ ઓછો થઈ જાય છે.