બનાસકાંઠાના દિયોદરના એક મંદિરમાં ચોરી કરતો તસ્કર CCTV કેમેરામાં કેદ થયો છે. દિયોદરના લવાણા ગામમાં આવેલ સિકોતર માતાજીના મંદિરમાં તસ્કરે હાથ ફેરો કર્યો હતો. જેમાં માતાજીને ચઢાવવામાં આવેલ આભૂષણોની તસ્કરી કરી હતી.
આપને જણાવી દઇએ કે તસ્કર માતાજીના આભૂષણોની ચોરી કરતો CCTVમાં સ્પષ્ટપણે દેખાઇ આવ્યો છે. આ તસ્કર માતાજીને પહેરાવવામાં આવેલા આભૂષણો થેલામાં ભરીને રફુચક્કર થઇ જાય છે તે સમગ્ર ઘટના મંદિરમાં લગાવવામાં આવેલ CCTVમાં કેદ થયેલી જોવા મળી હતી.
આ ઘટના બાદ સુરક્ષા મામલે પણ સવાલો ઉભા થયા હતા. આ સાથે નાઇટ પેટ્રોલિંગ મામલે પણ અનેક સવાલો ઉભા થાય છે. જો કે આ ઘટનાની જાણ નજીકના પોલીસ મથકે કરવામાં આવતા પોલીસ ઘટના સ્થળે પહોંચી હતી અને આ ઘટનાની પ્રાથમિક તપાસ હાથ ધરીને CCTV તપાસતા આ શખ્સ કોણ છે તેની માહિતી મેળવવા ચક્રો ગતિમાન કર્યા હતા.