મધરાતે સાવજના ટોળાએ જંગલી ભૂંડની મા'ણી મિજબાની VIDEO થયો વાયરલ

અમરેલીમાં સિંહના એક ટોળાએ જંગલી ભૂંડનો શિકાર કર્યો છે.ઘટના છે ધારીના જંગલ વિસ્તારની કે જ્યાં એક બે કે ત્રણ નહીં પરંતુ એક સાથે 7 સિંહે જંગલી ભૂંડ પર હુમલો કર્યો.અને શિકાર કરીને મિજબાની માણી હતી.



જોકે શિકારને પગલે ચીચીયારીઓથી સમગ્ર જંગલ ગાજી ઉઠતાં આસપાસના લોકો દોડી આવ્યા હતા અને સિંહના ટોળાનો આ વીડિયો કેમેરામાં કેદ કર્યો હતો.

ઉલ્લેખનીય છે અમરેલીથી ગીરનું જંગલ નજીક હોવાને કારણે અમરેલીના ઘણાં વિસ્તારોમાં મોડીરાત્રે સાવજ જૂથો અવારનવાર અમરેલી નજીક આવતા હોય છે ત્યારે ગત રાતે 7 સાવજોએ એક જંગલી ભૂંડને શિકાર બનાવેલ અને તેનુ મારણ કરતા ભૂંડના અવાજથી જંગલ નજીક રહેતા રહેવાસીઓ જાગી ગયા હતા અને જંગલ તરફ ધસી આવ્યા હતા.અને સાવજના ટોળાને જોતા આ ઘટનાને પોતાના મોબાઇલ ફોનમાં કેદ કરી હતી.જો કે આ ત્યાર બાદ આ VIDEO માધ્યમોમાં ફરતો થતાં લોકોમાં ચર્ચાનો વિષય બન્યો હતો.