VIDEO: એક સાથે 11 સિંહનું ટોળુ રસ્તા પર ધસી આવ્યુ વીડિયો વાયરલ

અમરેલી પંથકમાં અવારનવાર વનરાજ લટાર મારતા જોવા મળતા હોય છે ક્યારેક એકલા તો ક્યારેક સહપરિવાર રસ્તા પર લટાર મારતા જોવા મળતા હોય છે. ત્યારે સોશિયલ મીડિયા પર પણ તેના વીડિયો અવારનવાર વાયરલ થતા હોય છે. એવામાં જંગલના રાજાનો વધુ એક વીડિયો વાયરલ થયો છે. લીલીયા નજીક રસ્તા પર સિંહ પરિવાર લટાર મારતો નજરે પડે છે.
  ક્યારેક એકલ દોકલ સિંહ રસ્તા પર લટાર મારતા જોવા મળી જતા હોય છે પરંતુ એક સાથે 11 સિંહના ટોળાએ સૌ કોઈને આશ્ચર્યમાં મુક્યા હતા. સિંહ પરિવારના આ ટોળાનો વીડિયો બસમાં બેઠેલા મુસાફરોએ પોતાના કેમેરામાં કેદ કર્યો હતો.