'ભરૂચની નારી ટ્રક ડ્રાઇવર પર ભારી' રણચંડીનો VIDEO થયો વાયરલ

ભરૂચ હાઇવે પર એક મહિલાએ ટ્રક ડ્રાયવરને માર માર્યાની ઘટના સામે આવી છે. ટ્રક ડ્રાયવરે મહિલાની કારને હડફેટે લીધી હતી. જે બાદ મહિલાએ રસ્તા વચ્ચે જ ટ્રક ડ્રાયવરને લાકડી વડે ફટકાર્યો. આ ઘટના મોબાઇલના કેમેરામાં કેદ થઇ છે. જેમાં જોઇ શકાય છે કે મહિલા કઇ રીતે ટ્રક ડ્રાયવર પર રોષ ઠાલવી રહી છે. હવે આ વીડિયો સોશિયલ મીડિયામાં વાયરલ થયો છે.

ઉલ્લેખનીય છે કે મોટે ભાગે જાહેર માધ્યમોમાં માત્રને માત્ર મહિલાઓ સાથે કરવામાં આવતા અત્યાર અને મારપીટની ઘટનાઓ સતત ચર્ચામાં આવતી હોય છે ત્યારે આજ રોજ ભરૂચ નજીક એક મહિલાએ ટ્રક ડ્રાઇવરને માર મારવાની ઘટના સામે આવી હતી.


જો કે આ ઘટના એક સામાન્ય અકસ્માત મામલે થવા પામી હતી. કાર અને ટ્રક વચ્ચે અકસ્માત થતા કાર ચાલક મહિલા ઉશ્કેરાઇ હતી અને ટ્રક ડ્રાઇવરને માર મારવા લાગી હતી.