રાજ્યમાં પહેલીવાર પશુ માલિકને ધમકી આપવા બદલ કડક સજા
અમદાવાદમાં પશુ માલિકને 2 વર્ષની સજા
અમદાવાદ સેસન્સ કોર્ટે આપ્યો ઐતિહાસિક ચુકાદો
સેનિટરી ઇન્સ્પેક્ટરને મારી નાખવાની ધમકી આપ્યાનુ પુરવાર થતા સજા આપી
રાજ્યમાં પહેલીવાર પશુ માલિકને ધમકી આપવા બદલ કડક સજા કરવામાં આવી હોવાનું સામે આવ્યું છે. વાત જાણે એમ છે કે, 2019માં રખડતા ઢોર પકડતી સમયે સેનેટરી ઈન્સ્પેક્ટરને ધમકી મળી હતી. જે બાદમાં આ કેસ અમદાવાદ સેસન્સ કોર્ટમાં ચાલતો હતો. જોકે હવે અમદાવાદ સેસન્સ કોર્ટમાં સેનિટરી ઇન્સ્પેક્ટરને મારી નાખવાની ધમકી આપ્યાનુ પુરવાર થતા કોર્ટે પશુ માલિકને ધમકી આપવા બદલ કડક સજા ફટકારી છે.
અમદાવાદ સહિત રાજ્યભરમાં રખડતાં ઢોરનો ત્રાસ જોવા મળે છે. તેવામાં હવે રખડતા ઢોર પકડતી ટીમને ધમકી આપવાના કેસમાં અમદાવાદ સેસન્સ કોર્ટે એક પશુ માલિકને સજા ફટકારી છે. વિગતો મુજબ 27 જુલાઈ 2019ના રોજ શાહપુર દરવાજા પાસે રકડતા ઢોર પકડવા ગયેલી ટીમ સાથે પશુ માલિકે માથાકૂટ કરી હતી. જે બાદમાં સેનેટરી ઈન્સ્પેક્ટરને ધમકી પણ આપી હોઇ તે કેસ અમદાવાદની સેસન્સ કોર્ટમાં ચાલતો હતો.
આ દરમ્યાન અમદાવાદ સેન્સસ કોર્ટમાં આ કેસ ચાલી જતાં આજે મોટો નિર્ણય સામે આવ્યો છે. સેન્સસ કોર્ટમાં સેનિટરી ઇન્સ્પેક્ટરને મારી નાખવાની ધમકી આપ્યાનુ પુરવાર થયું છે. જેથી કોર્ટ દ્વારા પશુ માલિકને 2 વર્ષની કડક સજા ફટકારી છે. જોકે અમદાવાદ સેસન્સ કોર્ટે ઐતિહાસિક ચુકાદો આપ્યો છે.