Monday, June 24, 2019
સબસ્ક્રાઈબ કરો VTVGujarati ન્યુઝ Whatsapp

વડોદરા / KFC રેસ્ટોરન્ટમાં બર્ગરમાંથી નીકળી આ ચીજ, જોનારા થઈ ગયા દંગ

KFC રેસ્ટોરન્ટમાં બર્ગરમાંથી નીકળી આ ચીજ, જોનારા થઈ ગયા દંગ

વડોદરામાં KFCની ગંભીર બેદરકારી સામે આવી છે. સેન્ટ્રલ મોલ ખાતે KFC સેન્ટરના બર્ગરમાં ઈયળ નીકળી હતી. બર્ગરમાંથી ઈયળ નિકળતા ગ્રાહકે હોબાળો કર્યો હતો. આ ઈયળ નિકળવાના મામલે KFCના સ્ટાફના દ્વારા ઉડાઉ જવાબ આપવામાં આવ્યો હતો.

બર્ગરમાંથી નીકળી જીવતી ઈયળ
આ સમગ્ર ઘટનાનો ભોગ બનેલા રવિ ચંદ્રકાંત રાવલે કહ્યું હતું કે, આજે રવિવારની રજા હોઇ અમે પરિવારના તમામ સભ્યો શહેરની મધ્યમાં આવેલ સેન્ટ્રલ મોલની મુલાકાતે ગયા હતા. ત્યાના KFC સેન્ટરમાં નાસ્તો કરવા ગયા હતા અને બર્ગર તથા અન્ય ચીજ ઓર્ડર કરી હતી. 

ઈયળ જોઇ ગ્રાહકનો હોબાળો
જ્યારે અમારી પાસે નાસ્તો પહોંચ્યો અને  બર્ગરમાંથી જીવતી ઈયળ નીકળી હતી. ખાવાની ચીજવસ્તુઓની ગુણવત્તા યોગ્ય સ્તરની ના હોવાથી મે વિરોધ કર્યો હતો. KFCના મેનેજરે બેદરકારી પર ઢાંક પીછોડો કરવાના પ્રયાસો કર્યાં હતા. જો કે આ મામલો મોટો હોબાળો મચાવતા નાણા પરત કર્યા હતા. 

આ પહેલા પણ બની છે ઠેર-ઠેર આવી ઘટનાઓ
આપને જણાવી દઇએ કે, વડોદરાના KFC સેન્ટરમાં બનેલ ઇયળની ઘટના પ્રથમ નથી. આ પહેલા પણ અનેક સ્થળો પર ખાદ્ય પદાર્થમાંથી ઇયળ સહિતના વિવિધ જીવજંતુઓ મળી આવ્યા છે ત્યારે સવાલ ઉભા થાય છે આ પ્રકારના મોટા માથા ધરાવતા નાસ્ત સેન્ટર સામે તંત્ર પગલા લેશે કે કેમ..?

vadodara Caterpillar burger gujarat

જોવા જેવું વધુ જુઓ

બ્રેકિંગ ન્યૂઝ