મધ્યપ્રદેશની રાજધાની ભોપાલમાં લોકોને વેક્સિન લેવા પ્રોત્સાહિત કરવા ટ્રક, ટ્રેક્ટર અને બીજા વાહનો પર સૂત્રો લખવામાં આવી રહ્યાં છે.
વેક્સિન અંગે લોકોમાં જાગૃતિ લાવવા મધ્યપ્રદેશ સરકારનો ઉપાય
વાહનો પાછળ વેક્સિનના સૂત્રો લખ્યા
લોકોને વેક્સિન લેતા પ્રોત્સાહિત કરવાનો પ્રયાસ
ટીકા લગવાઓ તો બાર બાર મિલેગે
લાપરવાહી કરોગે તો હરિદ્વાર મેં મિલેગે
ભોપાલમાં વહિવટીતંત્ર દ્વારા ટ્રક, ટ્રેક્ટર અને બીજા વાહનોની પાછળ ટીકા લગવાઓ તો બાર બાર મિલેગે, લાપરવાહી કરોગે તો હરિદ્વાર મેં મિલેગે, હું સુંદર છું મારી પર બુરી નજર ન નાખો, જો તમે વેક્સિન લેશો હું હમેંશા તમારી સાથે રહીશ, આવા સૂત્રો લખાઈ રહ્યાં છે અને લોકોમાં વેક્સિન અંગે જાગૃતિ લાવવાના પ્રયાસો કરાઈ રહ્યાં છે.
બીજા સૂત્રો એવા છે કે દેખા મગર પ્યાર સે, કોરના ડરતા હૈ વેક્સિન કી માર સે, હંસ મત પગલી, પ્યાર હો જાયેગા, ટીકા લગવા લે, કોરોના હાર જાયેગા.
ભોપાલની એનજીઓએ જિલ્લા વહિવટી તંત્ર અને નેશનલ કાઉન્સિલ ફોર સાયન્સ એન્ડ ટેકનોલોજી કમ્યુનિકેશનના સહયોગથી વાહનો પાછળ સૂત્રો લખીને લોકોના વેક્સિન અંગે જાગૃતી લાવવાની પહેલ શરુ કરાઈ છે.
ટ્ર્કો, ટેમ્પો, ટ્રેક્ટર ટ્રોલી અને બીજા વાહનો પર વેક્સિન સંબંધી સૂત્રો લખાયા
આ પહેલ વિશે વાત કરતા સર્ચ એન્ડ રિસર્ચ ડેવલપમેન્ટ સોસાયટીના અધ્યક્ષ ડો.મોનિકા જૈને જણાવ્યું કે 50 કરતા વધારે ટ્ર્કો, ટેમ્પો, ટ્રેક્ટર ટ્રોલી અને બીજા વાહનોને ભોપાલની ભાગોળે રોકવામાં આવ્યાં અને માલિકોને આવા સૂત્રો લખવા માટે સમજાવાયું હતું. આ વાહનો શહેરી અને ગ્રામીણ વિસ્તારોમાં અવરજવર કરતા રહેતા હોવાથી લોકો પર તેની અસર પડી શકે છે તે માટે આ પહેલ શરુ કરવામાં આવી છે. લોકો વાહનો પાછળ લખાયેલા આવા સૂત્રો સરળતાથી જોઈ શકે છે અને તેમને વેક્સિન લેવાની પ્રેરણા થઈ શકે.
ભોપાલની સાથે હોશંગાબાદમાં આ પહેલ શરુ કરાશે
તેમણે કહ્યું કે ભોપાલની સાથે હોશંગાબાદમાં પણ આ પહેલ શરુ કરવામાં આવી છે તથા વિદિશા અને સિહોર જિલ્લામાં પણ ટૂંક સમયમાં શરુ કરવામાં આવશે.
ભોપાલના જિલ્લા સહાયક નોડલ અધિકારી અખિલેશ ચતુર્વેદીએ જણાવ્યું કે અમે બુધવારથી ભોપાલમાં વાહનો પાછળ સૂત્રો લખવાનું કામ કરી રહ્યાં છીએ. અમને વાહન માલિકો તરફથી સારો પ્રત્યુત્તર મળી રહ્યો છે. તેઓ જાતે આગળ આવી રહ્યાં છે અને તેમના વાહનો પર આવા સૂત્રો લખાવી રહ્યાં છે.