NCBએ ડ્રગ્સ કેસ મામલે ધરપકડ કરાયેલા લોકોની 11 ઓક્ટોબર સુધી કસ્ટડી માંગી છે. NCBનું માનવું છે કે પૂછપરછ બાદ તે મોટા ગ્રુપ સુધી પહોંચી શકે છે.
આર્યન ખાનના મોબાઇલમાંથી મળ્યા પુરાવા
કેવી રીતે મંગાવતા હતા ડ્રગ્સ
મોબાઇલમાંથી મળી આવી ડ્રગ ચૅટ
કસ્ટડીમાં રાખવાની માગ
રેવ પાર્ટીમાં ધરપકડ થયા બાદ શાહરુખ ખાનના દિકરા આર્યન ખાનને કસ્ટડીમાં લેવાની માગ કરવામાં આવી છે. એનસીબીએ પોતાના પક્ષમાં કહ્યું કે જો આ લોકોને કસ્ટડીમાં નહી લેવામાં આવે તો તે સાબિત નહી થઇ શકે કે ડ્રગ્સ આ લોકો સુધી કેવી રીતે પહોંચતું હતું. સમાજનો યુવાવર્ગ આવી ઘટનાઓથી પ્રભાવિત થાય છે.
મોબાઇલમાંથી મળી આવી આ ચીજ
NCBએ આર્યનનો મોબાઇલ જપ્ત કર્યો હતો તેમાં કેટલીક ચેટ સામે આવી છે. જેમાં બંને ચરસના ઉપયોગની વાત કરી રહ્યાં હતા. આર્યને પૂછપરછમાં આ વાત સ્વીકારી પણ હતી અને અરબાઝ ડ્રગ પેડલરના સતત સંપર્કમાં રહ્યો હતો. જેની તલાશ NCBને ઘણા સમયથી છે.
શાહરુખ સાથે થઇ આર્યનની વાત
NCBના સુત્રો અનુસાર શાહરુખ ખાને પોતાના દિકરા આર્યન સાથે ફોન પર વાત કરી હતી. આર્યનની કાયદાકીય પ્રક્રિયા દરમિયાન 2 મિનીટ વાત કરાવવામાં આવી હતી. પૂછપરછ દરમિયાન આર્યન રડવા લાગ્યો હતો.
દેશ બહાર પણ કર્યુ ડ્રગ્સનું સેવન
NCB સાથે થયેલી પૂછપરછમાં ખુલાસો થયો કે આર્યન 4 વર્ષથી ડ્રગ્સ લઇ રહ્યો છે. ભારત બહાર પણ યુકે- દુબઇ કે અન્ય દેશોમાં આર્યને ડ્રગ્સનું સેવન કર્યુ છે. આર્યન ફિલ્મ મેકિંગ સાથે જોડાયેલો છે.
રવિવારે આર્યનની થઇ ધરપકડ
NCBએ મુંબઈથી ગોવા જઈ રહેલ એક ક્રૂઝ પર રેવ પાર્ટીમાં રેડ મારી હતી જેમા એક શાહરુખનો દિકરો આર્યન પણ પાર્ટીમાં પકડાયો છે. પાર્ટીમાં ડ્રગ્સ પણ પકડાયું છે. નોંધનીય છે કે જ્યારએ મુંબઈથી આ ક્રૂઝ ઉપડી ત્યારે જ ડ્રગ્સ પાર્ટી શરૂ થઈ ગઈ હતી અને NCBની ટીમ પહેલેથી જ ક્રૂઝ પર જ હતી. મોટી માત્રામાં ડ્રગ્સ મળ્યા બાદ ક્રૂઝને ફરીથી મુંબઈ તરફ લાવવામાં આવી. NCBએ હજુ સુધી આધિકારિક રૂપે કોઈ નામનો ખુલાસો કર્યો નથી. ક્રૂઝ પર જે લોકો પકડાયા છે તેમને મુંબઈ લાવી દેવામાં આવ્યા છે અને પૂછપરછ કરવામાં આવી રહી છે.