આંતરરાષ્ટ્રીય કેટ ડે 2024 / ઘરમાં બિલાડી રાખવાથી થશે પૈસાનો વરસાદ, હેલ્થ પણ હેલ્ધી રહેશે, ફાયદા જાણીને ચોંકી જશો

દુનિયાભરમાં દર વર્ષે 8 ઓગસ્ટે બિલાડી દિવસ ઉજવવામાં આવે છે. આ દિવસની શરૂઆત 2002માં એ સમય પર થઇ હતી જ્યારે પ્રાણીઓની સંભાળ માટે સ્થાપિત આંતરરાષ્ટ્રીય સંસ્થા દ્વારા બિલાડીના સંરક્ષણની વાત કરવામાં આવી. ત્યાર બાદ આ દિવસને International Cat Day ઉજવામાં આવે છે. આ દિવસનો મુખ્ય ઉદ્દેશ્ય બિલાડીની સુરક્ષાનો છે. જો કે, આજે અમે તમને કેટલીક એવી વાત કરીશું, જે બાદ તમે બિલાડીને ઘરમાં લાવવા માટે ઉત્સાહિત થઈ જશો. આમ તો, બિલાડી ઘરમાં હોય તો ઘર ગંદુ કરશે, એને કોણ સાચવશે એ બધા સવાલો થાય. પરંતુ જો એક બિલાડી તમારા ઘરમાં હોય, તો તમને આર્થિકથી લઈને આરોગ્ય સુધી જાતભાતના ફાયદા થઈ શકે છે.

હૃદય રોગની શક્યતા 30 ટકા ઘટી જાય

ઘરમાં બિલાડી રાખવાથી ઘણા શારીરિક ફાયદા થાય છે. જુદા જુદા રિસર્ચ પ્રમાણે જે લોકો બિલાડીઓને પાલતુ પ્રાણી તરીકે રાખે છે, તેઓનો તણાવ ઓછો થાય છે. તેમને હૃદય રોગની શક્યતા લગભગ 30 ટકા ઘટી જાય છે, સાથે એવું પણ માનવામાં આવે છે કે ઘરમાં બિલાડી રાખવાથી સ્વાસ્થ્યની અનેક બિમારીઓ દૂર થાય છે. જેમ કે સ્ટ્રોકની, બ્લડ પ્રેશરની સમસ્યાઓ દૂર થઈ શકે છે.

'લકી કેટ' રાખવાથી ઘરમાં થશે પૈસાનો વરસાદ

ઘરમાં બહુ મોટી સમસ્યા થઇ હોય તો બિલાડી તમારી સમસ્યાને દૂર કરી શકે છે. તેની પાછળનું કારણ બહુ રસપ્રદ છે. ફેંગશુઇ અનુસાર એવું મનવામાં આવે છે કે લકી કેટ રાખવાથી આવનારી દરેક મુશ્કેલી દૂર થઇ જાય છે. લકી કેટનો એક હાથ ઉભો હોય છે જે સતત હલતો રહે છે જેને મની કેટ પણ કહેવામાં આવે છે.

જાપાનીઝ લોકકથા મુજબ ધનના દેવતા નગરનું ભ્રમણ કરી રહ્યા હતા અને અચાનક ધોધમાર વરસાદ પડયો. અને વરસાદથી બચવા માટે તેઓ ઝાડના નીચે ઉભા રહ્યા. એ જ સમય તેમની નજર ખૂણામાં બેઠેલી બિલાડી પર પડી જે તેમને વહાલથી હાથ હલાવીને બોલાવી રહી હતી. પ્રેમથી બોલાવવા પર ધનના દેવતા બિલાડીની પાસે જતા રહ્યાં. ત્યારે જ વીજળી પડતા જેની નીચે ઉભા હતા તે ઝાડ નીચે પડી ગયું. અને આ જ રીતે અંતિમ સમયે બિલાડીના બોલાવવાના કારણે ધનના દેવતાનો જીવ બચી ગયો. એટલે ધન દેવતાએ બિલાડીના માલિકને અમીર બનવાનો આશીર્વાદ આપ્યો. અને થોડાક જ સમય બાદ એ બિલાડી મરી ગઇ. તેના પછી માલિકે બિલાડીને દફન કરી અને તેની યાદમાં માનકી નિકોની હાથ હલાવતી બિલાડીની મૂર્તિ બનાવી હતી. તેના પછી સંકટોથી બચવા માટે અને આર્થિક સમૃદ્ધિ માટે હાથ હલાવતી બિલાડીની મૂર્તિને ઘરમાં રાખવામાં આવે છે.

જ્યોતિષ શાસ્ત્રમાં પણ છે લાભનો ઉલ્લેખ

વધુ વાંચો : આ અમદાવાદી દર મહિને બિલાડીઓ પર કરે છે 30 હજારનો ખર્ચ, 50 કરતા વધુ બિલાડીઓને પરિવારની જેમ સાચવે છે

• અમદાવાદના જાણીતા એસ્ટ્રોલોજર અંકિત શાહના જણાવ્યા અનુસાર બિલાડી રાખવાથી વિવિધ લાભો થઈ શકે છે
• એકલતા દૂર થાય છે: બિલાડીઓ પ્રેમાળ હોય છે અને ભાવનાત્મક ટેકો અને સાથીદારી પૂરી પાડી શકે છે, જે એકલતાની લાગણી ઘટાડી શકે છે.
• તાણમાં ઘટાડો: બિલાડીઓ સાથે વાતચીત કરવાથી તણાવનું સ્તર ઘટાડી શકાય છે. બિલાડીને પાળવાથી શરીરમાં શાંત રસાયણો નીકળી શકે છે, જે ચિંતા અને તાણ ઘટાડવામાં મદદ કરે છે.
• માનસિક સ્વાસ્થ્ય સુધારણા: બિલાડીઓ હેતુ અને દિનચર્યાની સમજ આપીને માનસિક સ્વાસ્થ્ય પર સકારાત્મક અસર કરી શકે છે. તેમનો રમતિયાળ અને વિચિત્ર સ્વભાવ પણ આનંદ અને હાસ્ય લાવી શકે છે.
• સુરક્ષા: બિલાડીઓમાં તીવ્ર સંવેદના હોય છે અને તે તમને અસામાન્ય પ્રવૃત્તિઓ અથવા ઘુસણખોરો પ્રત્યે ચેતવણી આપી શકે છે.
• બિલાડી રાખવાથી તમારા જીવનની ગુણવત્તામાં વધારો થઈ શકે છે અને તમારી શારીરિક અને માનસિક સુખાકારી બંનેમાં સકારાત્મક યોગદાન મળે છે