માંગણી / દેશમાં જાતિગત વસ્તીગણતરી પર PM મોદીના મનમાં શું? નીતિશ કુમારે આપ્યો જવાબ

• જાતિગત વસ્તી ગણતરી મુદ્દે નીતિશ કુમારની PM મોદી સાથે મુલાકાત
• નીતિશ કુમાર સાથે તેજસ્વી યાદવ પણ થયા સામેલ
• 10 પાર્ટીઓના 11 નેતાઓએ PM મોદી સાથે કરી મુલાકાત

બેઠકમાં આ નેતાઓ રહ્યાં હાજર 

આ બેઠકમાં આરજેડી નેતા તેજસ્વી યાદવ, જેડીયુના શિક્ષણ મંત્રી વિજય કુમાર ચૌધરી, ભાજપના ખાણ ભૂસ્તર મંત્રી જનક રામ, કોંગ્રેસ નેતા અજીત શર્મા, CPI નેતા મહેબૂબ આલમ, AIMIMના અખ્તરુલ ઈમાન, પૂર્વ મુખ્યમંત્રી અને હમ સુપ્રીમો જીતન રામ માંઝી, VIP પ્રમુખ મુકેશ સાહની, CPI નેતા સૂર્યકાંત પાસવાન અને સીપીએમ નેતા અજય કુમાર સામેલ છે. આ નેતાઓની માંગ છે કે દેશમાં જાતિના આધારે વસ્તી ગણતરી થવી જોઈએ. જેથી પછાત જાતિઓના વિકાસને વેગ મળી શકે.

જાતિગત વસ્તી ગણતરીથી શ્રમજીવી વર્ગને થશે ફાયદો: તેજસ્વી યાદવ

તો તેજસ્વી યાદવે કહ્યું કે, જો કોઈ કામ રાષ્ટ્રહિતમાં થાય છે તો બિહારની 10 પાર્ટીઓ આ મુદ્દા પર એકત્રિત છે. જેનાથી દેશના ગરીબ અથવા શ્રમજીવી વર્ગને મોટો લાભ થશે. મંડળ કમિશન પહેલા ખબર જ નહોતી કે દેશમાં કેટલી જ્ઞાતિઓ છે. ત્યારબાદ ખબર પડી કે દેશમાં હજારો જ્ઞાતિઓ છે. દેશમાં પ્રાણીઓની ગણતરી થાય છે, વૃક્ષોની ગણતરી થાય છે તો પછી માણસોની ગણતરી કેમ ના થાય? માણસોની પણ ગણતરી થવી જોઈએ. અમે જાણવા માંગીએ છીએ કે જાતિગત વસ્તી ગણતરી કેમ ના થવી જોઈએ. જો સરકાર પાસે સ્પષ્ટ આંકડો જ નથી તો કલ્યાણકારી યોજનાઓ કેવીરીતે લાગુ કરશે. તેજસ્વીએ વધુમાં કહ્યું કે, વડાપ્રધાન મોદીએ તેમના પક્ષને સાંભળ્યો છે. તેમણે નીતિશકુમારને અભિનંદન પણ આપ્યાં છે કે તેઓ પોતાની માંગને લઈને વડાપ્રધાન મોદી સુધી પહોંચ્યા છે.