રાહત / અમદાવાદની ખાનગી હોસ્પિટલોમાં કેશલેસ સુવિધા શરૂ ! AHNAની માંગોને લઇને 21ઑગષ્ટે મળશે બેઠક

• અમદાવાદની ખાનગી હોસ્પિ.માં કેશલેસ સુવિધા શરૂ
• સરકારી વીમા કંપનીની કેશલેસ સેવા ફરી શરૂ
• AHNAના સ્ટેન્ડને લઈ 21 ઓગસ્ટે મિટિંગ

અમદાવાદની ખાનગી હોસ્પિટલોમાં કેશલેસ સુવિધા ફરીથી શરૂ થઇ છે. ખાનગી હોસ્પિટલોમાં સરકારી વીમા કંપનીની કેશલેસ સેવા શરૂ થઇ છે. AHNAએ 8થી 15 ઓગસ્ટ સુધી કેશલેસ સુવિધા બંધ કરી હતી. પરંતુ વિવિધ માંગોને લઇને વીમા કંપની સામે AHNAના સ્ટેન્ડને લઈ 21 ઓગસ્ટે મિટિંગ મળશે. જેમાં પ્રશ્નોનો ઉકેલ નહી આવે તો વીમા કંપનીઓ સામે ફરીથી વિરોધ નોંધાવાશે. 

8થી 15 ઑગષ્ટ સુધી બંધ કરી હતી કેશલેસ સુવિધા

અમદાવાદ હોસ્પિટલ્સ એન્ડ નર્સિંગ હોમ્સ એસોસિએશન અને વીમાકંપનીઓની લડાઇ વચ્ચે દર્દીના સ્વજનોએ મુશ્કેલી વેઠવાનો વારો આવ્યો હતો. 8 ઑગષ્ટથી 15 ઑગષ્ટ સુધી આહના સાથે જોડાયેલી 300થી વધુ હોસ્પિટલમાં કેશલેસ સુવિધા બંધ કરવાનો નિર્ણય લેવામાં આવ્યો હતો.  ઉલ્લેખનીય છે કે આહનાના કેટલાક પડતર પ્રશ્નો છે જેની અવારનવાર રજૂઆત કરવા છતાં પણ ઉકેલ આવતો નથી પરિણામે આહનાએ જાહેરક્ષેત્રની વીમાકંપનીઓ સામે મોરચો માંડ્યો હતો.

આહનાની કયા મુદ્દે રજૂઆત ?

• કોમ્પલેક્સ સર્જરીમાં ઈક્વિપમેન્ટના ચાર્જીસની ચૂકવણીમાં વિલંબ કરવો
• એડવાન્સ નિદાન માટેના ચાર્જીસની ચૂકવણીમાં વિલંબ કરવો 
• કેન્સર જેવી બિમારીના તાજેતરની સારવારના નાણા કાપવા
• ક્લેઈમ માટે સ્ટાફ દ્વારા બિનજરૂરી સવાલ ઉભા કરીને વીમાના નાણા ચૂકવણીમાં વિલંબ કરવો
• હોસ્પિટલોના ક્લેઈમ્સમાં ખોટી રીતે નાણા કાપવા
• હોસ્પિટલ એમ્પેન્લમેન્ટમાં પારદર્શક્તાનો અભાવ
• ફરિયાદ નિવારણ માટે સિંગલ પોઇન્ટ સંપર્ક જરૂરી