ખળભળાટ / ચૂંટણી પહેલા આ રાજ્યોમાંથી 4 કરોડની ચલણી નોટો ઝડપાતા ચકચાર

લોકસભાની ચૂંટણી માટે ત્રીજા તબક્કાનું મતદાન આગામી 23 તારીખે યોજાવાનું છે ત્યારે મતદાન પહેલા આવકવેરા વિભાગે આજરોજ કર્ણાટક અને ગોવામાંથી આશરે 4 કરોડ રૂપિયાની નોટો ઝડપી લેતા ચકચાર મચી જવા પામી છે.

ઉલ્લેખનીય છે કે, આ સમગ્ર ઘટનામાં આવકવેરા વિભાગે બાતમીને આધારે એક કાર ચાલકને અટકાવ્યો હતો અને તેની પાસેથી તપાસ કરતા 2.30 કરોડ રોકડ મળી આવી હતી. આ કાર ચાલક ગાડીના ટાયરમાં ચલણી નોટો ભરીને શિવમોગ્ગાથી બેંગલુરૂ લઇ જઇ રહ્યો હતો. આવકવેરા વિભાગના હાથે ઝડપાયેલ તમામ ચલણી નોટો 2 હજારની હતી. 

#Visuals A man was intercepted & Rs 2.30 cr in cash in Rs 2,000 denomination was found stuffed inside the Spare tire in the car. It was being transported from Bengaluru to Shivamogga. Cash over Rs 4 crore has been seized in searches by Income-Tax department in Karnataka-Goa today pic.twitter.com/Cv0U78JYUC

— ANI (@ANI) April 20, 2019

આપને જણાવી દઇએ કે, લોકસભાની ચૂંટણી માટે ત્રીજા તબક્કાનું મતદાન કર્ણાટક સહિત વિવિધ રાજ્યોમાં આગામી 23 તારીખના રોજ યોજાવાનું છે. જેમાં કર્ણાટકની 14 બેઠકો માટે યોજાવાનું છે. તો આ તરફ ગોવામાં પણ 2 બેઠકો પર લોકસભાની ચૂંટણીનું મતદાન યોજાવાનું છે. અત્રે ઉલ્લેખનીય છે કે, આગામી 19 મેના રોજ કર્ણાટક અને ગોવામાં આંતરિક ચૂંટણી પણ યોજાનાર છે.