ભારતીય સ્ટેટ બેંકે બ્રાન્ચમાં કેશ ડિપોઝિટ કરવાના નિયમોમાં બદલાવ કર્યો છે. SBIની તરફથી કરવામાં આવેલા ટ્વિટ અનુસાર જો તમે નૉન-હોમ બ્રાન્ચમાં કેશ જમા કરાવવો છો તો હવે તમારી માટે કોઇ સીમા નથી. જોકે એસએમઇ સેગમેન્ટ માટે 2 લાખ પ્રતિ દિવસની સીમા નક્કી કરવામાં આવી છે.
તમારા પાસે માત્ર બ્રાન્ચમાં જઇને કેશ જમા કરાવવાનો વિકલ્પ નથી. પરંતુ તમે ઇચ્છો તો બ્રાન્ચમાં ગયા વગર પણ ખાતામાં કેશ જમા કરાવી શકો છો અને આ પૈસા તરત જ તમારા ખાતામાં પહોંચી જશે.
વાસ્તવમાં ભારતીય સ્ટેટ બેંક અન્ય બેંકોની જેમ જ કેશ ડિપોઝિટ મશીન (CDM)ની સુવિધા આપે છે. CDM ATMની જેમ જ એક મશીન હોય છે જેની મદદથી તમે તમારા ખાતામાં પૈસા જમા કરી શકો છો.
SBIની વેબસાઇટ પર આપવામાં આવેલી જાણકારી અનુસાર જો તમે કાર્ડલેસ ડિપોઝિટ કરો છો તો તમે 49000 રૂપિયા એક વખત જમા કરી શકો છો. પરંતુ જો તમે ડેબિટ કાર્ડની મદદથી 2 લાખ રૂપિયા જમા કરી શકો છો. જોકે આ માટે જરૂરી છે કે તમારા પાસે PIN નંબર હોય.
આ મશીનની મદદથી તમે પબ્લિક પ્રોવિડન્ડ ફંડ (PPF) રિકરિંગ ડિપોઝિટ (RD) અને લોન ખાતામાં પણ પૈસા જમા કરી શકો છો. એક ટ્રાન્જેક્શનના દરમિયાન 200 કરન્સી નોટ્સ જમા કરાવી શકાશે.
આ મશીનની મદદથી તમે માત્ર 100 500 અને 2000 રૂપિયાની નોટ જમા કરી શકો છો. એટલું જ નહી આ મશીનની મદદથી તમે SBI ખાતામાં જ નહી પરંતુ બીજી બેંકોના ખાતમાંથી પણ કેશ વિડ્રો કરી શકો છો.
તમે તમારો પિન નંબર પણ બદલી શકો છો. બેલેન્સની ઇન્કવાયરીની સાથે મિની સ્ટેટમેન્ટ પણ મેળવી શકો છો. જો તમે આ મશીનની મદદથી કેશ ડિપોઝિટ કરો છો તમારે ચાર્જ પણ ભરવો પડશે.
SBIની વેબસાઇટ અનુસાર ડેબિટ કાર્ડ (થર્ડ પાર્ટી એકાઉન્ટ)ની મદદથી અથવા તો કાર્ડલેસ ટ્રાન્જેક્શન કરશો તો તમારે 22 રૂપિયા + GST આપવાના રહેશે. આ રીતે કેટલાક અન્ય ચાર્જિસ પણ છે.