સુરતઃ શહેરનાં પીપોદરા ગામમાં તસ્કરોનો આતંક યથાવતપણે ચાલી રહ્યો છે. શહેરમાં જાણે કે કાયદા વ્યવસ્થા જેવું કંઇ હોય જ નહીં એટલે કે જાણે કે તેનો કોઇ ડર જ ના હોય તે રીતે અસામાજિક તત્વો ગુનાખોરીને અંજામ આપી રહ્યાં છે. ત્યારે હવે પીપોદરા ગામમાં તસ્કરોએ મહિલાને બંધક બનાવીને લૂંટ ચલાવી હતી.
આ દરમ્યાન લોકો જાગી જતાં તસ્કરોએ ફળિયામાં પથ્થરમારો કર્યો હતો. 10 જેટલાં તસ્કરોએ રોકડ તેમજ દાગીનાની લૂંટ કરીને ફરાર થયાં હતાં. ત્યારે આ ઘટનાની જાણ થતાં પોલીસકર્મીઓ ઘટનાસ્થળે દોડી આવ્યાં હતાં. જીલ્લા પોલીસકર્મીઓએ ઘટના સ્થળે પહોંચીને આ મામલે વધુ તપાસ હાથ ધરી છે.
ત્યારે મહત્વનું છે કે બીજી બાજુ વડોદરાનાં પાદરાનાં એક ગામમાં પણ દાગીના અને રોકડ રકમની ચોરી થઇ હોવાંની એક ઘટના સામે આવી છે. શહેરમાં વધુ એક વખત ચોરીની ઘટના એક રહેણાંક વિસ્તારમાં બની છે.
શહેરનાં પાદરાનાં લુણા ગામમાં 6 તોલા સોના સહિત રોકડ રકમની ઉઠાંતરી કેટલાંક અજાણ્યાં શખ્સો કરીને રફ્ફુચક્કર થઈ ગયાં. ત્યારે જરૂરી છે કે સ્થાનિક પોલીસે CCTVની મદદથી વધુ તપાસ હાથ ધરી રહી છે.