કોરોના અને વાયરલ ઈન્ફેક્શનના લક્ષણ સમાન હોવાથી ચિંતા વધી તંત્રએ તમામ બાળકોના રેપિડ ટેસ્ટ કર્યા
સુરતમાં વાયરલ ઇન્ફેક્શનના કેસો વધ્યા
બાળકોને વાયરલ ઇન્ફેક્શનની અસર
સિવિલમાં જ 1750 બાળકોએ લીધી સારવાર
સુરતમાં બાળકોમાં વાયરલ ઇન્ફેક્શનના કેસોમાં વધારો થયો છે.54 દિવસમાં 1750 બાળકોને વાયરલ ઇન્ફેક્શનની અસર થઇ છે.માત્ર સિવિલમાં જ 1750 બાળકોએ સારવાર લીધી છે.શહેરની અન્ય ખાનગી હોસ્પિટલોનો આંકડો વધારે છે.સિવિલમાં આવેલા 1750 બાળકોના રેપિડ ટેસ્ટ થયા હતા જેમાં 1 બાળક પોઝિટિવ આવ્યું હતું.
બાળકો વાયરલ ઇન્ફેક્શનથી માંદા પડતા ટૅન્શન
લાંબા સમયના વિરામ બાદ સતત વરસાદ વરસતા અચાનક વાતાવરણમાં પલટો આવ્યો છે. અને સિઝનનો આ બદલાવ હાલ સુરતમાં બાળકો માટે ખતરાની ઘટી સમાન બની રહ્યો છે. સુરતમાં અચાનક જ વાયરલ કેસોમાં મોટો ઉછાળો આવ્યો છે. માત્ર સિવિલની જો વાત કરવામાં આવે તો 54 દિવસમાં 1750 બાળકોને વાયરલ ઇન્ફેક્શનની અસર થઈ ચૂકી છે જ્યારે શહેરની બીજી ખાનગી હોસ્પિટલોમાં સારવાર લેતા બાળકોની સંખ્યા આથી પણ વધુ હોવાનું અનુમાન છે. સુરતમાં અનેક એવા વિસ્તારો છે જ્યાં ગટરના પાણી ઉભરાય છે અથવા તો વરસાદી પાણીના ભરાવા થાય છે, સિઝનના બદલવા ઉપરાંત આ કારણો પણ વાયરલ ઇન્ફેક્શન માટે જવાબદાર ગણવામાં આવી રહ્યા છે, આમ પણ પહેલાથી જ સુરતમાં પાણીજન્ય રોગો તરખાટ મચાવી રહ્યા છે તેમાં બાળકોમાં સૌથી વધુ પ્રમાણમાં વાયરલ તાવ કેસો આવતા માતા પિતા સહિત પરિવારો ચિંતામાં મુકાયા છે.
માસ
OPD
સ્ક્રિનિંગ-ટેસ્ટ
જૂલાઇ
2700
520
ઓગસ્ટ
2800
1100
સપ્ટેમ્બર
700
130
વચેતી ચેતીના ભાગ રૂપે કોરોના ટેસ્ટ કરાયા
કોરોના લક્ષણોમાં વાયરલ ઇન્ફેક્શનના લક્ષણ પણ આવી જાય છે આથી કહેવું મુશ્કેલ બની રહ્યું છે કે બાળકને વાયરલ તાવ છે કે કોરોના આથી સાવચેતીના ભાગ રૂપે સિવિલ તંત્ર દ્વારા તમામે તમામ 1750 બાળકોના રેપિડ ટેસ્ટ કરવામાં આવ્યા હતા જેમાંથી 1 બાળક કોરોના પોઝિટિવ નોંધાયું હતું. અન્ય બાળકોને વાયરલ ઇન્ફેક્શન હોવાનું જાણવા મળ્યું હતું. આમ, એકાએક તાવના કેસોમાં વધારો થતાં સુરત તંત્ર દોડતું થયું છે. સામે સરકારી હોસ્પિટલના બેડ ભરાઈ રહ્યા છે. કોરોના તો ઘટી ગયો છે પણ વાયરલ તાવના આ ભરડાથી સિવિલ હોસ્પિટલમાં મોટો દર્દીનો ધસારો જોવા મળી રહ્યો છે.