વિવાદ / ટ્વિટરે તો હદ કરી, ચાઈલ્ડ પોર્નોગ્રાફીને લઈને આ કામ કરવાનો આરોપ, ત્રણ રાજ્યોમાં ફરિયાદ

• ટ્વિટર ઈન્ડીયાની મુશ્કેલી વધી
• હવે દિલ્હી પોલીસે દાખલ કર્યો કેસ
• ચાઈલ્ડ પોર્નોગ્રાફીની સામગ્રી ન હટાવવાનો આરોપ
• દેશનો ખોટો નકશો દર્શાવવા બદલ ટ્વિટરની સામે ફરિયાદ 

રાષ્ટ્રીય બાળ સુરક્ષા પંચના અધ્યક્ષ પ્રિયંક કાનૂનગોએ આરોપ લગાવ્યો હતો કે ટ્વિટરની વેબસાઈટ પર ચાઈલ્ડ પોર્નોગ્રાફીની સામગ્રીની લિંક જોવા મળી રહી છે. તેમણે આરોપ લગાવ્યો કે ટ્વિટરને આ અંગે સમન પણ મોકલાયું હતું, જવાબમાં ટ્વિટરે ખોટી જાણકારી આપી છે. પંચં ચાઈલ્ડ પોર્નોગ્રાફીની સામગ્રી ન હટાવવાનો આરોપસર ટ્વિટરની સામે ફરિયાદ નોંધાવી છે. 

મધ્યપ્રદેશ-યુપીમાં ટ્વિટર ઈન્ડીયાના એમડી મનીષ માહેશ્વરીની સામે કેસ દાખલ 

દેશના નવા આઈટી કાયદા ન માનવો પર મક્કમ ટ્વિટરની ઘેરાબંધી થઈ ગઈ છે. દેશનો ખોટો નકશો દેખાડવાના મામલે પણ મધ્યપ્રદેશ પોલીસે ટ્વિટર ઈન્ડીયાના એમડી મનીષ માહેશ્વરીની સામે આઈટી એક્ટની કલમ 505 હેઠળ કેસ દાખલ કરી દીધો છે. યુપીના બુલંદશહેરમાં પણ માહેશ્વરીની સામે કેસ દાખલ કરાયો છે. 

ટ્વિટરે ભારતનો ખોટો નકશો દર્શાવ્યો હતો 
માઇક્રોબ્લોગિંગ સાઇટ ટ્વિટરે ફરી એકવાર ભારતને ખોટી રાહ ચીંધી છે. પોતાની વેબસાઇટ પર ટ્વિટરે જમ્મુ અને કાશ્મીર તથા લદ્દાખને અલગ અલગ દેશ બતાવ્યો છે. એટલે કે તેમણે ભારતનો ખોટો નકશો બતાવ્યો છે. સરકારી માહિતી મુજબ આ માહિતીને લઈને ટ્વિટર પર એકદમ કડક કાર્યવાહી કરવામાં આવશે. આ પેહલા પણ સરકારે કેન્દ્ર શાસિત પ્રદેશ લેહની જગ્યાએ જમ્મુ કાશ્મીરના ભાગમાં બતાવતા ટ્વિટરને નોટિસ આપી હતી. 

યુપી પોલીસે માહેશ્વરની સમન મોકલીને હાજર થવાનુ જણાવ્યું
ગાઝિયાબાદ પોલીસે ટ્વિટર ઈન્ડીયાના એમડી માહેશ્વરીને 17 જુનના રોજ સમન મોકલીને 7 દિવસની અંદર હાજર થવાનો આદેશ આપ્યો હતો. આ કેસ મુસ્લિમ શખ્સની મારઝૂડ તથા અભદ્રતા સાથે જોડાયેલો હતો. આ ઘટનાનો વીડિયો વાયરલ થયા બાદ માહેશ્વરી સહિત 9 લોકોની સામે ફરિયાદ દાખલ થઈ હતી.