ગુજરાત ATSએ 280 કરોડના હેરોઇન સાથેની અલ હજ નામની એક યાંત્રીક બોટને ઝડપી હતી
જખૌ પોર્ટ નજીક 280 કરોડનું ડ્રગ્સ પકડવાનો મામલો
આરોપીઓના 9 દિવસના રિમાન્ડ મંજૂર
ATS દ્વારા 14 દિવસના રિમાન્ડની કરાઈ હતી માગ
ગુજરાતને ડ્રગ્સના રવાડે ચડાવવા માટે અનેક દેશો કરતુત કરી રહ્યા છે. તાજેતરમાં જ ગુજરાત ATS અને અન્ય એજન્સીઓના સહયોગથી કરોડોનું ડ્રગ્સ પકડાયું ઝડપી લેવામાં સફળતા મળી છે.
કચ્છના જખૌ પાસેથી રૂ. 280 કરોડનાં ડ્રગ્સના જથ્થા સાથે ઝડપાયેલા આરોપીઓના 9 દિવસના રિમાન્ડ મંજૂર કરવામાં આવ્યા છે.ગુજરાત ATS અને કોસ્ટગાર્ડના સયુંકત ઓપરેશન દરમિયાન પાકિસ્તાની અલ હજ નામની બોટ ઝડપાયી હતી.પાકિસ્તાની બોટમાંથી રૂપિયા 280 કરોડના ડ્રગ્સ સાથે પાકિસ્તાની 9 શખ્સો ઝડપાયા હતા.ATSએ આ તમામ પાકિસ્તાની 9 આરોપીઓને ભુજ કોર્ટમાં રજૂ કર્યા હતા અને 14 દિવસના રિમાન્ડની માગ કરી હતી.જો કે કોર્ટે આરોપીઓના 9 દિવસના રિમાન્ડ મંજૂર કર્યા હતા.
કેવી રીતે પાર પાડ્યું હતું સમગ્ર ઓપરેશન?
પાકિસ્તાનના કરાંચી બંદ૨થી 55 પેકેટ હેરોઇન સાથે અલ હજ નામની યાંત્રિક બોટ નીકળી હતી અને તે અંગે ATS ગુજરાતને બાતમી મળી હતી. જે સંદર્ભે ATS તેમજ કોસ્ટગાર્ડ કચ્છ અને આસપાસના અ૨બી સમુદ્ર ક્ષેત્રમાં જબરૂ પેટ્રોલીંગ ગોઠવી દેવાયુ હતું અને દરેક જહાજો તથા માછીમાર બોટની પણ તલાશી લેવામાં આવતી હતી. આ ઉપરાંત મુંબઈ સુધી કોસ્ટગાર્ડના પેટ્રોલીંગ જહાજો સતત દરિયામાં ફરીને પાકિસ્તાનથી નીકળેલી અલ હજ બોટને લોકેટ ક૨વા ફરી ૨હી હતી. તેવામાં અરબી સાગરમાં IMBL નજક અલ હજ દેખાઈ ને તેમાંથી 55 પેકેટ હેરોઇન સાથે બોટમાં સવાર 9 પાકિસ્તાની ડ્રગ્સ માફિયાની ધરપકડ કરવામાં આવી હતી.તમામ આરોપીઓને ભુજની વિશેષ કોર્ટમાં 14 દિવસના રીમાન્ડની માંગ સાથે રજૂ કરાયા હતા.ભુજ કોર્ટે તમામ 9 પાક.ડ્રગ્સ માફિયાના 9 દિવસના રિમાન્ડ મંજુર કર્યા છે.
જમીની બોર્ડર જડબેસલાક થતાં દરિયાની આડ
આ સમગ્ર ડ્રગ કાંડ નો મુખ્ય સૂત્રધાર કોણ છે..અને ભારત માં પણ તેના તાર કોની સાથે જોડાયેલા છે.. ઉલ્લેખનીય છે કે..પાકિસ્તાન અને અફઘાનિસ્તાનની બોર્ડ૨ પ૨ મોટાપાયે અફીણ ઉગાડવામાં આવે છે અને અહીં હેરોઈન બનાવવા માટે તેને ફેક્ટરી પણ છે અને તે દુનિયાભ૨માં સપ્લાય ક૨વામાં આવે છે. જેમાં ભા૨તના માર્ગેથી પણ ગેરકાયદેસર વિદેશ મોકલાઈ છે અને ભા૨તમાં પણ અનેક મહાનગરોમાં ડ્રગ વેચાતા હોવાના અહેવાલ છે.જમ્મુ-કાશ્મિર અને પંજાબ સરહદે તણાવ અને સિક્યોરીટી વધતાં આંતરરાષ્ટ્રીય ડ્રગ્સ માફિયાઓએ હવે ગુજરાતની જળસરહદે માદક પદાર્થોની તસ્કરી શરૂ કરી છે. ડ્રગ્સના નાણાંનો ઉપયોગ ટેરર ફંડીંગમાં થાય છે. પંજાબ સહિત ઉત્તર ભારતના રાજ્યોમાં મોટાપાયે ડ્રગ્સનો કારોબાર ચાલે છે.