વડોદરામાં લવજેહાદનો કિસ્સો પ્રકાસમાં આવતા ચકચાર મચી છે. આ અંગે ફરિયાદ ઉઠતાં પોલીસ દોડતી થઇ છે.
પાદરા તાલુકામાં વધુ એક લવજેહાદનો કિસ્સો
પરિણીત વિધર્મી યુવાને હિન્દુ યુવતિ સાથે આચર્યું દુષ્કર્મ
વિધર્મીએ સાથે નોકરી કરતી યુવતી સાથે મિત્રતા કેળવી આચર્યું દુષ્કર્મ
ગુજરાતમાં વધુ એક લવ જેહાદનો ચોંકાવનારો કિસ્સો સામે આવતા ખળભળાટ મચી જવા પામી છે. વડોદરાના પાદરામાં નોકરી કરતી યુવતી સાથે વિધર્મીએ મિત્રતા બાદ પ્રેમજાળમાં ફસાવી દુષ્કર્મ આચર્યુ હતું. આરોપીની દાનત પારખી ગયેલી યુવતીએ સબંધ તોડી નાખતા આરોપીએ જાનથી પતાવી દેવાની પણ ધમકી આપી હતી. એટલુ જ નહિ યુવકે બ્લેડથી SORRY લખવા પણ મજબૂર કરી હતી. આ સમગ્ર મામલામાં પીડિતાની સહેલી પણ સાથ આપતી હતી. આ મામલે યુવતીએ એક સંતાનના પિતા એવા આરોપી સામે પાદરા પોલીસમાં ફરિયાદ દાખલ કરતા પોલીસ તપાસના ચક્રો ગતીમાન કર્યા છે.
પાદરા પોલીસ મથકમાં ફરિયાદ
ભોગગ્રસ્ત યુવતીએ પાદરા પોલીસ મથકમાં ફરિયાદ નોંધાવી જણાવ્યું કે પોતે 2021 થી પાદરા ખાનગી કંપનીમાં કોન્ટ્રાક્ટમાં નોકરી કરે છે. નોકરીના એક સપ્તાહના સમયગાળા બાદ તેની સાથે નોકરી કરતા અને પાદરા તાલુકાના ભદારી ગામે રહેતા અલાઉદ્દીન ઇલીયાસ રાજ ઓળખ થઈ હતી. ત્યારબાદ અલાઉદ્દીન ઇલીયાસ રાજ મિત્રતા બાંધવા માંગતો હોવાનો ફરિયાદમાં ઉલ્લેખ કરાયો હતો. ત્યારબાદ અલાઉદ્દીનએ મારી સહકર્મી થકી મારી સાથે મિત્રતા બાંધવા દબાણ કરાવ્યું હતું.
આરોપીએ ખેતરમાં લઇ જઇ યુવતી પર ગુજાર્યું દુષ્કર્મ
ત્યારબાદ અમારે મિત્રતા થઈ હતી અને મોબાઈલમાં વાતો સાથે પોતે મળતા હોવાનો પણ ફરિયાદમાં ઉલ્લેખ કરાયો હતો. ત્યારબાદ ગત ડિસેમ્બસમાં આરોપીએ યુવતીને મળવા બોલાવી હતી. જ્યાં ધમકી આપી અને બાજુના ખેતરમાં લઇ જઇ કુકર્મ ગુજાર્યું હતું. વધુમાં રાત્રિના સમયે યુવતીના નંબર બ્લોક રાખતો હોવાથી બંને વચ્ચે ઝઘડો થયો હતો ત્યારે અલાઉદ્દીનએ પોતાના લગ્ન થઇ ગયા અને એક સંતાન હોવાની ચોખવટ કરી હતી. આ દરમિયાન મારી સાથે બેફામ વાણી વિલાસ આચરી ડાબા પગમાં ઘૂંટણ નીચે બ્લેડથી સોરી લખવા માટે મજબૂર કરી હોવાની પણ પીડિતાએ આપવીતી વર્ણવી હતી.
અલાઉદ્દીન રાજ વિરુદ્ધ દુષ્કર્મ અને ધમકીની ફરિયાદ
આ બાદ પીડિતાએ સબંધ રાખવાની મનાઈ કરતા યુવતીની સહેલી જ સબંધ બાંધવા મજબૂર કરતી હોવાંનું પણ જણાવ્યું હતું. એટલું જ નહિ યુવતીનો તેનો ફોન રિસીવ ન કરું તો તે મારી મમ્મીને ફોન કરીને વાત કરાવવા માટે પણ કહેતી હતી. ફરિયાદમાં એવો પણ આક્ષેપ કરાયો છે કે પીડિતાએ આરોપી સાથે જવાનો ઇન્કાર કરતા આરોપીર ઘરે આવી પીડિતા તેમજ તેના માતા-પિતાને જાનથી મારી નાંખવાની પણ ધમકી આપી હતી. ત્યારબાદ પરિવારજનોએ પણ આરોપીને સમજાવવા છતાં આરોપીએ હદ વટાવતા અંતે કંટાળી ગયેલી યુવતીએ પાદરા પોલીસ મથકમાં અલાઉદ્દીન ઇલીયાસ રાજ વિરુદ્ધ દુષ્કર્મ અને ધમકીની ફરિયાદ નોંધાવી હતી.