ગુજરાતમાં કોરોનાના કપ્પા વેરિયન્ટના તબિબોની ચિંતા વધારી, રાજ્યમાં કપ્પા વેરિયન્ટના પાંચથી વધુ કેસ સામે આવતા તંત્ર દોડતું થયું
કપ્પા વેરિયન્ટને લઇ તબીબની ચિંતા વધી
આગામી તહેવારને લઇ ભીડ પડી શકે છે ભારે
ઘરમા જ તહેવાર ઉજવવા તબીબોની અપીલ
રાજ્યમાં કોરોના સંક્રમણ ઘટી રહ્યું છે પરતું કોરોના વેરિયન્ટે ચિંતા વધારી છે ત્યારે ગુજરાતમાં કોરોનાના કપ્પા વેરિયન્ટના કેસ સામે આવ્યા છે. રાજ્યમાં કપ્પા વેરિયન્ટના 5 જેટલા કેસ સામે આવતા જ તંત્ર દોડતું થયું છે.
કપ્પા વેરિયન્ટને લઇ તબીબની ચિંતા વધી
અમદાવાદના મેડિકલ એસોસિએશનના જોઈન્ટ સેક્રેટરી ડૉ.સાહિલ શાહે ડેલ્ટા, ડેલ્ટા પલ્સ અને કપ્પા વેરિયન્ટ કોરોનાની બીજી લહેર માટે જવાબદાર ગણાવ્યા છે જો કે હજુ પણ કોરોનાની ત્રીજી લહેરની સંભાવનાઓ વ્યક્ત કરવામાં આવી રહી છે એવામાં ગુજરાતમાં 5 જેટલા કપ્પા વેરિયન્ટના કેસ સામે આવતા તબિબોની ચિંતા વધી ગઈ છે. મહત્વનું છે કે વિશ્વ સ્વાસ્થ્ય સંગઠને મે મહિનામાં ન્યુ મ્યૂટન્ટને ‘કપ્પા’નું નામ આપ્યું હતું. જેના વેરિયન્ટ યુકેમાં પણ જોવા મળ્યા હતા
આગામી તહેવારને લઇ ભીડ પડી શકે છે ભારે
શનિવારે આરોગ્ય વિભાગે જાણકારી આપતા જણાવ્યું કે ગુજરાતમાં પહેલી વખત કોરોનાના કપ્પા વેરિયન્ટના કેસ સામે આવ્યાં છે. જેમાં ગુજરાતમાં ત્રણ કેસ અને ગોધરા અને મહેસાણામાં પણ કપ્પા વેરિયન્ટનો એક-એક કેસ સામે આવ્યો છે. રાજ્યમાં પહેલી વાર કપ્પા વેરિયન્ટ સામે આવતા જ આરોગ્ય વિભાગ સાબદું બન્યુ છે.
ઘરમા જ તહેવાર ઉજવવા તબીબોની અપીલ
આરોગ્ય વિભાગ દ્વારા કપ્પા વેરિયન્ટ દર્દીઓના સંપર્કમાં આવેલા લોકોની પણ તપાસ શરૂ કરવામાં આવી છે. જે જિલ્લાઓમાં અને વિસ્તારોમાંથી કેસ સામે આવ્યા છે ત્યાં પણ આરોગ્ય વિભાગ દ્વારા તપાસ કરવામાં આવી રહી છે. જોકે કપ્પા વેરિયન્ટને રોકવા તેને ફેલાતો અટકાવવા માટે વેક્સિનેશની પ્રક્રિયા ઝડપી બનાવવામાં આવે તેવું નિષ્ણાત ડોક્ટરો જણાવી રહ્યા છે.