પેપરકાંડ / "મારા પિતા આરોપી નથી એમણે બીજાનો આરોપ પોતાના પર લીધો છે" પેપરલીક મામલે પ્રિન્ટિંગ પ્રેસ કર્મીના પરિવારનો ખુલાસો

• પોલીસે વધુ ત્રણ લોકોની અટકાયત કરી 
• કિશોર આચાર્યના પરિવારે આરોપ ફગાવ્યા
• સૂર્યો ઓફસેટ અગાઉ પણ આવ્યું છે વિવાદમાં

ગૌણ સેવા પસંદગી મંડળ દ્વારા લેવાયેલ હેડ ક્લાર્કની પરીક્ષાનું પેપર ફુંટી જતા હાલ ગુજરાતનું રાજકારણ ગરમાયું છે, તો પેપર લીક મામલે અત્યાર સુધીમાં કુલ 11 લોકોની ધરપકડ કરી દેવામાં આવી છે જો કે હજુ પણ મુખ્ય આરોપીઓ પોલીસ પકડથી દૂર છે. ત્યારે પેપર લીક મુદ્દે મહત્વની જાણકારી મળી છે. બહુ ચર્ચિત હેડક્લાર્કની પરીક્ષાનું પેપર પ્રિન્ટિંગ પ્રેસમાંથી પેપર લીક થયું હતું, સાણંદના કિશોર આચાર્યએ પ્રિન્ટિગ પ્રેસમાંથી પેપર લીધું હોવાની ચર્ચા છે, કિશોર આચાર્ય પ્રિન્ટિંગ પ્રેસમાં સુપરવાઈઝર છે.

કિશોર આચાર્યના પરિવારે આરોપ ફગાવ્યા

આ  તરફ હેડ કલાર્કની પરીક્ષામાં પેપર લીક કેસમાં કિશોર આચાર્યનું નામ ખુલતા, કિશોર આચાર્યને ફસાવ્યા હોવાનો પરિવારજનોનો આરોપ લગાવી રહ્યા છે. કિશોર આચાર્યના પરિવારે કિશોર પર લાગવેલા તમામ આરોપોને ફગાવ્યા છે. પ્રિન્ટિંગ પ્રેસના માલિક મુદ્રેશ પુરોહિત હોવાનું પરિવારજનો જણાવી રહ્યા છે. કિશોર આચાર્યની ધરપકડ કરવામાં આવી છે ત્યારે પરિવાર કહી રહ્યો છે કે બીજાની સંડોવણીના કારણે પોતાના પર આરોપ લીધો હોઇ શકે છે, એકવાર મુલાકાત કરવા દે તો અમે ખુલાસો કરી શકીએ.

પરિવારજનો કહી રહ્યા છે કે કિશોર આચાર્ય 32 વર્ષથી પ્રિન્ટિંગ પ્રેસમાં નોકરી કરે છે પણ પેપરની ક્યારેય વાત નથી થઈ. કોની સંડોવણી છે તે ખબર નથી મંગેશને લઈને કોઈ જાણકારી ન હોવાનું પરિવારે જણાવ્યું છે.  પ્રિન્ટિંગ પ્રેસના સુપરવાઈઝર કિશોર આચાર્યની ધરપકડ થતા પરિવાર પુત્રને ફસાવ્યા હોવાનું જણાવી રહ્યું છે ત્યારે VTV NEWS કિશોર આચાર્યના નિવાસસ્થા મણિપુર વડ ગામે પહોંચ્યું હતું કિશોર આચાર્યના પરિવાર સાથેની વાતચીતમાં પરિવારે આરોપો નકાર્યા મહત્વનું છે કે પેપરકાંડમાં પ્રિન્ટિંગ પ્રેસ પર સવાલો ઉઠી રહ્યા છે ત્યારે હેડક્લાર્ક પેપરલીકમાં સૂર્યા ઓફસેટ કંપનીને લઇ વધુ એક ખુલાસો સામે આવ્યો છે. 

2014માં RAS પરીક્ષામાં સૂર્યા ઓફસેટમાં થઇ હતી તપાસ

નોંધનીય છે કે, સૂર્યા ઓફસેટ કંપની 2014માં પણ ચર્ચામાં આવી હતી. રાજસ્થાન એડમિનિસ્ટ્રેટિવ સર્વિસિસ પેપર લીક થયાનો મુદ્દો ઉછળ્યો ત્યારે સૂર્યા ઓફસેટ ચર્ચાનો વિષય બન્યું હતું. જેમાં રાજસ્થાન SOGએ સૂર્યા ઓફસેટના માલિક મુદ્રેશની પૂછપરછ કરી હતી. તો RPSCના પૂર્વ ચેરમેનની પુત્રીએ પરીક્ષામાં 10મો રેન્ક મેળવ્યો હોવાનું પણ આવ્યું હતું સામે. 

પોલીસે ત્રણ લોકોની અટકાયત કરી 

આ અંતર્ગત બીજા એક ખુલાસા મુજબ મીઠાખળી હોસ્પિટલમાં કાર્યરત મંગશ પાસેથી પેપર લેવાનું જણાવવામાં આવ્યું હતું.  આ મામલે પોલીસે ત્રણ લોકોની અટકાયત કરી છે. પોલીસે દિપક પટેલ જે સિંગરવા હોસ્પિટલમાં એમ્બ્યુલન્સ ચલાવે છે તેની પણ અટકાયત કરી છે દિપકે મંગેશ શિર્કે પાસેથી પેપર લીધું હતું આમ જોતા પેપરકાંડમાં અનેક લોકો જોડાયેલા શંકા સેવાઈ રહી છે.  મંગેશે જયેશ પટેલને પેપર આપ્યું હતું તો જયેશે બીજાને આપ્યું હતું. 

મંગેશ પાસેથી રૂ. 7 લાખ મળી આવ્યા

પોલીસ તપાસમાં મંગેશ પાસેથી રૂ. 7 લાખ મળી આવ્યા હતા જ્યારે અન્ય 3 જગ્યાએ પણ મંગેશે પેપર આપેલા તેની તપાસ ચાલુ છે મહત્વનું છે કે અગાઉ 8 આરોપીઓની ધરપકડ કરવામાં આવી છે જ્યારે વધુ ત્રણ આરોપીઓની અટકાયત કરવામાં આવી છે. પેપરકાંડમાં શિર્કેએ 9 લાખમાં  પેપર વેચ્યું હોવું મનાઈ રહ્યું છે. હાલ તો ગૌણ સેવા પસંદગી મંડળ અને પ્રિન્ટિંગ પ્રેસ વચ્ચેના કરારની તપાસ ચાલું છે અભ્યાસ બાદ જો સંડોવણી નીકળશે તેની ધરપકડ કરવામાં આવશે. ઉલ્લેખનિય છે કે ગૌણ સેવા પસંદગી મંડળનું પેપર કિશોર આચાર્યએ 10મીએ લીક કર્યું હતું જેમણે પેપર ખરીદ્યા છે એમની સામે પણ પગલાં લેવામાં આવશે. અત્યાર સુધીમાં કુલ 11 લોકોની ધરપકડ થઈ, જો કે ગૌણ સેવા પસંદગી મંડળ માંથી હજુ કોઈને તપાસ માટે બોલાવ્યા નથી. 

પોલીસે દીપક પટેલની કરી ધરપકડ

હેડ ક્લાર્ક પેપરલીક મામલે વધુ એક ખુલાસો થયો છે જેમાં પોલીસે દીપક પટેલની ધરપકડ કરી છે, દીપક પટેલ થોડા સમય પહેલા સ્ટાફનર્સમાં લાગ્યો છે. જૂન 2021ની સ્ટાફનર્સની પરીક્ષામાં દીપક મેરિટમાં 285માં ક્રમે આવ્યો હતો. સ્ટાફનર્સ વર્ગ-3 ની ભરતીમાં દીપક પટેલ પાસ થયો હતો. ત્યારે દીપક પટેલનો પેપરલીક કાંડમાં નામ ખુલતા સ્ટાફનર્સનું પણ પેપર લીક થયાની શંકા ઓલ ગુજરાત નર્સિંગ યુનિયને કરી હતી. હાલ દીપક પટેલ સિંગરવા સરકારી હોસ્પિટલમાં નોકરી કરે છે. 

સૂર્યો ઓફસેટ અગાઉ પણ આવ્યું છે વિવાદમાં

સૂર્યા ઓફસેટ કંપની અગાઉ પણ ચર્ચામાં આવી ચૂકી છે, રાજસ્થાન એડમિનિસ્ટ્રેટિવ સર્વિસિસ પેપર લીકમાં અગાઉ સુર્યા ઓફસેટ ચર્ચામાં આવી હતી. મહત્વનું છે 2014માં RAS પરીક્ષાના પ્રશ્ન પત્ર સૂર્યા ઓફસેટમાં  પ્રિન્ટ થયા હતા, ત્યારે 2014માં RAS પરીક્ષામાં પેપરલીક મામલે સૂર્યા ઓફસેટમાં તપાસ થઇ હતી. RPSCના પૂર્વ ચેરમેનની પુત્રીએ પરીક્ષામાં 10મો રેન્ક મેળવ્યો હતો જે સમયે RAS સૂર્યા ઓફસેટનું નામ ખુલ્યું હતુ અને રાજસ્થાન SOGએ સૂર્યા ઓફસેટના માલિક મુદ્રેશની પૂછપરછ કરી હતી.