રાજકોટ / આજી નદીમાંથી બાળકનું માથું મળ્યાને 8 મહિના થયા પણ પોલીસ હજુ ઓળખ નથી કરી શકી

રાજકોટની આજી નદીમાંથી બાળકનું માથું મળવાની ઘટનાને 8 મહિના વિત્યા હોવા છતાં બાળકની ઓળખાણ થઈ નથી. ત્યારે પોલીસને આશંકા છે કે, તાંત્રિકવિધી માટે બાળકનો ઉપયોગ કરવામાં આવ્યો હોઈ શકે છે. જેને લઈને બાળકના પરિવાર સુધી પહોંચવા માટે હવે પોલીસ નવી મોડસ ઓપરેન્ડી અપનાવશે. પોલીસ આંગણવાડી બહેનોની મદદ લઇને તપાસ કરશે અને બાળકના પરિવાર અને બાળકની ઓળખ માટે પ્રયાસ કરશે.

પોલીસ 5 લાખથી વધુ મોબાઇલ લોકેશનની કરશે તપાસ

અગાઉ પણ આ મામલે પોલીસ 5 લાખથી વધુ મોબાઈલ લોકેશનોની તપાસ કરવાની વાત કરી હતી. જોકે હજુ સુધી આ કેસનો કોઈ સુરાગ પોલીસના હાથે લાગ્યો નથી.

રાજકોટ પોલીસે ગુજરાતમાંથી ગુમ થયેલા બાળકો મંગાવ્યા

થોડા મહિના અગાઉ પોલીસે ગુજરાતમાંથી ગુમ થયેલા બાળકોના ડેટા મગાવ્યા હતા. રાજ્યભરમાંથી 112 ગુમ બાળકોના ડેટા મળ્યા હતા. જે ડેટાનું વિશ્લેષણ કરાવામાં આવ્યું હતું. આ કોયડો ઉકેલવા વિજ્ઞાન જાથાની પણ મદદ લેવાઇ રહી છે. એટલું જ નહીં પોલીસ બાળકની ઓળખ કરવામાં પણ નિષ્ફળ ગઈ છે.