બિલ્ડરના આપધાતના પ્રયાસને લઈ પોલીસે ગંભીરતા દાખવી છે. ડીસીપી જુલી કોઠીયાએ જણાવ્યું કે, બધા નામ આપી શકવા જયેશ ભાઈ સક્ષમ નથી અને તેઓનું સ્વાસ્થ્ય સ્થિતિ ભયમુક્ત છે
જયેશ પારેખ દ્વારા કરાયેલ આપધાતના પ્રયાસનો મામલો
જયેશભાઈ હાલ સંપૂર્ણ સ્વસ્થ નથી:ડીસીપી
જયેશભાઈ બોલી શકવા સક્ષમ નથી: ડીસીપી
વ્યાજખોરના ત્રાસને લઇ વડોદરાના બિલ્ડરે આપઘાતનો પ્રયાસ કર્યો છે. ઊંઘની ગોળીઓ ખાઈ બિલ્ડર જયેશ પટેલે આપઘાતનો પ્રયાસ કર્યો હતો. બિલ્ડરે ગોત્રી સ્થિત પોતાની ઓફિસમાં 30થી વધુ ઊંઘની ગોળી ખાઈ જીવન ટૂકાવવાનો પ્રયત્ન કર્યો છે. પાપ્ત વિગતો મુજબ બિલ્ડર પર 3 કરોડ જેટલું દેવું થયું હતું.
વ્યાજખોરોનો ત્રાસ
સુત્રો પાપ્ત વિગતો મુજબ દેવું વધતા વ્યાજખોરો અવાર-નવાર બિલ્ડરને ધમકી આપતા હતા. લક્ષ્મણ ભરવાડ અને રમેશ પ્રજાપતિ નામના વ્યાજખોરો ધમકી આપતા આ પગલું ભર્યાની વિગતો મળી છે. બિલ્ડરે લક્ષ્મણ ભરવાડ પાસેથી વ્યાજે દોઢ કરોડ રૂપિયા લીધા હતા. વ્યાજે લીધેલા રૂપિયાની સામે બિલ્ડરે 2 કરોડથી વધુ રૂપિયા ચૂકવ્યા હતા. વધુ રૂપિયા ચૂકવ્યા બાદ પણ વ્યાજખોરો ત્રાસ આપતા હતા. વ્યાજખોરોના વધતા ત્રાસને લઇ બિલ્ડરે આપઘાતનો પ્રયાસ કર્યો હતો. આપઘાતના પ્રયાસ કર્યા પહેલાં બિલ્ડરે ચીઠ્ઠી લખી હતી. જે ચીઠ્ઠીમાં 5 વ્યાજખોરના નામનો પણ ઉલ્લેખ કર્યો હતો.
પોલીસે ગંભીરતા દાખવી
બિલ્ડરના આપધાતના પ્રયાસને લઈ પોલીસે ગંભીરતા દાખવી છે. DCP, ACP, સહિતનો પોલીસ કાફલો ગોત્રી GMERS હોસ્પિટલ પહોંચ્યો હતો. ઝોન-2ના ઈન્ચાર્જ DCP જુલી કોઠીયા સહિતના અધિકારીઓ પણ ત્યાં પહોંચ્યા હતા તેમજ બિલ્ડર જયેશ પારેખને ICUમાં દાખલ કરાયા છે. ઉચ્ચ પોલીસ અધિકારીઓ દ્વારા સમગ્ર મામલાની વિગતો મેળવી હતી. બિલ્જર જયેશ પારેખ દ્વારા કરાયેલ આપધાતના પ્રયાસનો મામલે ડીસીપી જુલી કોઠીયાનું નિવેદન સામે આવ્યું છે.
ડીસીપી જુલી કોઠીયાનું નિવેદન
ડીસીપી જુલી કોઠીયાએ જણાવ્યું કે, જયેશભાઈ હાલ સંપૂર્ણ સ્વસ્થ નથી અને જયેશભાઈ બોલી શકવા સક્ષમ નથી તેમણે કહ્યું કે, બધા નામ આપી શકવા જયેશ ભાઈ સક્ષમ નથી અને તેઓનું સ્વાસ્થ્ય સ્થિતિ ભયમુક્ત છે, તેમજ જે જમીન ડેવલોપ કરી છે તેનો સાટા ખતનો પ્રોબ્લેમ છે. તમામ પાસાઓની તપાસ કરવામાં આવશે. વાઘોડિયા રોડ પરથી પૈસા લીધા છે અન તે ખૂબ મૂંઝાઈ ગયા છે. તેમણે ઉમેર્યું કે, એ સ્વસ્થ થયા પછી તેઓની વિગતોને આધારે ફરીયાદની કાર્યવાહી કરાશે. સુસાઇડ નોટમાં જે અને પુરાવાઓને આધારે કાર્યવાહી કરવામાં આવશે. વ્યાજખોરીની બાબત જણાઈ આવશે તો કાયદેસરની કાર્યવાહી કરાશે.