પાટણ /  મેચની વચ્ચે દલિત બાળકે ઉઠાવ્યો બોલ તો ટોળાંએ કરી દીધો હુમલો, કાપી નાખ્યો અંગુઠો, મેવાણીએ આપ્યું અલ્ટિમેટમ

• પાટણના કાકોશી ખાતે કીર્તિ વણકર પર હુમલાનો મામલો
• ધારાસભ્ય જીગ્નેશ મેવાણીએ લીધી મુલાકાત
• 48 કલાકમા આરોપીની ધરપકડ નથી થાય તો પાટણ બંધનુ એલાન : મેવાણી

પાટણ જિલ્લામાં એક દલિત વ્યક્તિનો અંગૂઠો કાપી નાખવાનો કિસ્સો પ્રકાસમાં આવ્યતા ચકચાર મચી જવા પામી છે. પ્રાથમિક વિગત એવી છે કે પાટણ જિલ્લાની સ્કૂલમાં ક્રિકેટ એક બાળકે બોલ ઉપાડી લેતા મેચ રમતા લોકોએ હોબાળો મચાવ્યો હતો. બાદમાં અમુક લોકોએ મધ્યસ્થી કરતા મામલો શાંત પડ્યો હતો. બાદમાં બાળકના પિતા અને કાકા પર હુમલો કરતા બાળકના કાકાનો અંગૂઠો કપાઈ ગયો હતો. આ ઘટનાને લઈને ધારાસભ્ય જિગ્નેશ મેવાણીનું નિવેદન સામે આવ્યું છે. પાટણના કાકોશીમાં ક્રીર્તિ વણકર નામના યુવક પર થયેલા હુમલા મામલે હુમલો કરનાર આરોપીને તાત્કાલિક પકડવા માંગ ઉઠાવી છે.

જીગ્નેશ મેવાણીનુ નિવેદન : 40થી વધુ લોકો કર્યો હતો હુમલો

અમદાવાદ ખાતે કિર્તી વણકરની સારવાર લઇ રહ્યા છે. ત્યારે તેની મેવાણીએ મુલાકાત લીધી હતી. આ દરમિયાન જિગ્નેશ મેવાણીએ આ મામલે નિવેદન આપતા જણાવ્યુ હતુ કે, ક્રિકેટ રમવાની બાબતે 40થી વધુ લોકોએ હુમલો કર્યો હતો. છતાં પણ 24 કલાકમાં માત્ર 3 લોકોની ધરપકડ કરવામાં આવી છે. તેમણે વધુમાં જણાવ્યુ હતુ કે, 48 કલાકમાં આરોપીઓની ધરપકડ નહી થાય તો પાટણ બંધના એલાન પણ કરવામા આવી શકે છે.  આમ  કડક કાર્યવાહીની માંગ ઉઠાવી હતી.

શુ હતી સમગ્ર ઘટના ?
પાટણ જિલ્લાના કાકોશી ગામમાં શાળાના રમતના મેદાનમાં ક્રિકેટ મેચ જોતી વખતે બોલ ઉપાડ્યો હતો. જેને ઉપસ્થિતિએ વિરોધ ઉઠાવી દલિત સમુદાયના સભ્યોને અપમાનિત કરવા અને ડરાવવાના ઈરાદા સાથે કથિત રીતે જાતિવાદી અપશબ્દો પણ ઉચ્ચાર્યો હતો. બાદમાં છોકરાના કાકા ધીરજ પરમારે આ અંગે વાંધો ઉઠાવ્યો હતો. જોકે આ વેળાએ મામલો શાંત પાડયા બાદ મોડી સાંજે તિક્ષ્ણ હથિયારો સાથે ટોળું ઘસી ગયું હતું. જ્યા હુમલો કરતા કાકા કીર્તિનો અંગૂઠો કાપાઈ ગયો હતો અને ગંભીર ઇજા પહોંચી હતી. બાદમાં પોલીસ ફરિયાદ નોંધાતા ભારતીય દંડ સંહિતા 326,  506 (ગુનાહિત ધમકી) સહિતની કલમ હેઠળ ગુન્હો નોંધાયો છે.