અમદાવાદના સોલામાંથી ગુમ થયેલ 12 વર્ષના બાળકના કેસના ગુનાનો ભેદ ઉકેલાયો છે. જેમાં આ બાળકનુ અપહરણ કરાયુ હોવાનુ ખુલ્યુ છે. પોલીસે આરોપીની ધરપકડ કરી આગળની કાર્યવાહી હાથ ધરી છે.
સોલાથી 14 ડિસેમ્બરે બાળક ગુમ થયુ હતુ
પોલીસે આરોપીની ધરપકડ કરી જેલના હવાલે કર્યો
આરોપી મુળ પાટણ જીલ્લાનુ હોવાનુ સામે આવ્યુ
સોલાથી 14 ડિસેમ્બરે બાળક ગુમ થયેલા બાળક મામલે મોટો ખુલાસો થયો છે. બાળકને લાલચ આપી આરોપી તેને ઉઠાવી ગયો હતો. બાદમાં આરોપીએ આ બાળક પાસે ભીખ મંગાવવાનુ શરૂ કરી દીધુ હતુ. આ કેસની તપાસમાં કેટલીક ચોંકાવનારી વિગત પણ સામે આવી હતી. જેમાં આ નરાધમ અપરાધીએ બાળક સાથે સુષ્ટી વિરુદ્વનું કૃત્ય પણ કર્યુ હોવાનુ ખુલ્યુ છે.
આરોપી ભરત વાલ્મિકી પાટણ જીલ્લાનો વતની છે
આરોપી આ બાળકને ઉઠાવીને પોતાના ઘરે પણ લઈ ગયો હતો. જ્યાં આરોપીના પરિજનોએ બાળક વિષે પુછ્યુ ત્યારે પાડોશીનુ બાળક હોવાનુ કહી ઘરે રાખ્યુ હતુ. આ દરમ્યાન તેને 12 વર્ષના બાળક સાથે ભીખ પણ મંગાવી હતી તથા સૃષ્ઠી વીરૂદ્ધનુ કૃત્ય પણ આચર્યુ હતુ. ગુમ થયેલ બાળકની ફરીયાદ આધારે પોલીસે પોતાની તપાસ દરમ્યાન બાળકને પાટણ જીલ્લાના હારીજ પાસેથી શોધી કાઢ્યુ હતુ. આ સાથે આરોપીની પણ ધરપકડ કરી તેને જેલના સળીયા પાછળ ધકેલવામાં આવ્યો છે. ઉલ્લેખનીય છે કે, બાળકનુ કીડનેપીંગ કરી તેની પાસે ભીંખ મંગાવનાર તથા તેની સાથે સૃષ્ઠી કૃત્ય કરનાર આરોપી ભરત વાલ્મિકી પાટણ જીલ્લાના ગામનો હોવાનુ ખુલ્યુ છે.
સગીરને આરોપી ભીખ મંગાવતો હતો
સોલા પોલીસ સ્ટેશનમાં ફરિયાદ નોંધાયા બાદ સોલા પોલીસે અલગ અલગ જગ્યાએ પોસ્ટરો લગાવી બાળકની શોધખોળ હાથ ધરી હતી. આ દરમિયાનમાં નવા વર્ષેના દિવસે બાળક જ્યારે પાટણ જિલ્લાના હારીજ પાસે રોડ ઉપર એક બાળક રડી રહ્યું હતું જ્યાં એક પોલીસકર્મીની નજર પડી હતી. જેની પૂછપરછ કરતા એક વ્યક્તિ તેને અમદાવાદથી અહીંયા લઈ આવ્યો હોવાનું સામે આવ્યું હતું જેથી પોલીસ કર્મીઓને હારીજ પોલીસ સ્ટેશન લઇ ગયા હતા. જ્યાં સોલા પોલીસમાં બાળક ગુમ થયાની ફરિયાદ નોંધાયેલી હોવાનું માલુમ થતા બાળકને અમદાવાદ લવાયો હતો. સ
સગીર સાથે સૃષ્ટી વિરુદ્ધનું કુત્ય કર્યું હોવાનું ખુલ્યું
બાળકને પાસે ભીખ મંગાવવાના ઈરાદે તેનું અપહરણ કરાયું હતું જેમાં પોલીસે આરોપીની ધરપકડ કરી છે જ્યારે પોલીસ આરોપી મામલે વધુ તપાસ હાથ ધરી છે, આ અપહરણની ઘટનામાં અન્ય કોઈ ગેંગ સક્રિય છે કે નહીં તે દિશામાં પણ પોલીસે તપાસ ચક્રોગતિમાન કર્યા છે.