ગુનો / ગુજરાત AAP પ્રમુખ ઈટાલિયા વિરુદ્ધ હરિદ્વાર કોર્ટમાં કેસ, PM મોદીની માતાને અપશબ્દો કહ્યાં હતા

• ઈટાલિયા વિરુદ્ધ હરિદ્વાર કોર્ટમાં કેસ
• પીએમ મોદીની માતાને અપશબ્દો બોલવાનો આરોપ
• થોડા દિવસો પહેલા ઈટાલિયાનો વીડિયો થયો હતો વાયરલ 

ઈટાલિયા વિરુદ્ધ હરિદ્વાર કોર્ટમાં કેસ
ગુજરાત આમ આદમી પાર્ટીના પ્રમુખ ગોપાલ ઈટાલિયા વિરુદ્ધ હરિદ્વાર કોર્ટમાં કેસ દાખલ થયો છે. ઈટાલિયા પર પીએમ મોદીની માતાને અપશબ્દો બોલવાનો આરોપ છે.  ઈટાલિયા પાટીદાર આંદલનના મુખ્ય ચહેરા પૈકીનો એક છે. વર્ષ 2015માં હાર્દિક પટેલ સાથે મળીને ગુજરાત પાટીદાર આનમત માટે આંદોલન છેડ્યું હતું.

ઈટાલિયાનો વીડિયો વાયરલ
ભાજપે થોડા દિવસો પહેલા ગોપાલ ઈટાલિયાનો એક વીડિયો વાયરલ કર્યો હતો. જેમાં ગોપાલ ઇટાલિયા બોલતા હોય છે કે, હું માતાઓ અને બહેનોને અપીલ કરું છું કે તમને વાર્તાઓ અને મંદિરોમાં કંઈપણ જોવા નહીં મળે, આ શોષણના ઘર છે, જો તમારે તમારો અધિકાર જોઈએ છે તો તમારે દેશ પર શાસન કરવું પડે તેમાં બોલે છે કે, તમારે સમાન અધિકાર જોઈએ છે તો કથામાં નાચવા જગ્યાએ મારી માતાઓ બહનો આ પુસ્તક વાંચો. 

ગોપાલ ઈટાલિયા કોણ છે?
તમને જણાવી દઈએ કે ગુજરાત પોલીસમાં કોન્સ્ટેબલ રહી ચુકેલા ગોપાલ ઈટાલિયા પાટીદાર આંદોલનના અગ્રણી ચહેરાઓમાંથી એક હતા. વર્ષ 2015માં હાર્દિક પટેલ સાથે મળીને ગુજરાતમાં પાટીદાર અનામત માટે આંદોલન શરૂ કર્યું હતું તે પછી તેણે રાજકારણમાં પગ મૂક્યો હતો. વર્ષ 2020માં ગોપાલ ઇટાલિયાએ આમ આદમી પાર્ટી સાથે તેમની રાજકીય સફર શરૂ કરી ત્યારબાદ AAPના ગુજરાત ઉપાધ્યક્ષ તરીકે તેમને નિયુક્ત કરવામાં આવ્યા હતા. આમ આદમી પાર્ટીમાં જોડાયાના થોડા મહિના બાદ જ કેજરીવાલે ગોપાલ ઈટાલિયાને પ્રદેશ પ્રમુખ બનાવીને ગુજરાતમાં પાર્ટીની કમાન સોંપી હતી.

ઈટાલિયાએ મંત્રી પર જૂતું ફેંક્યું હતું
2017માં ઇટાલિયાએ ગુજરાતના તે સમયના ગૃહ રાજ્યમંત્રી પ્રદીપસિંહ જાડેજા પર જૂતું ફેંક્યું હતું. જેના કારણે ઈટાલિયાને સેવા નિયમોના ભંગ બદલ કારકુન પદેથી બરતરફ કરવામાં આવ્યો હતો. તે બાદ ઇટાલિયા પાટીદાર સમાજના નેતા બની ગયો હતા.