કેસ / સલમાન-અક્ષય સહિત 38 મોટા સ્ટાર વિરૂદ્ધ દાખલ થઈ ફરીયાદ, રેપ પીડિતા સાથે જોડાયેલો છે મામલો

• અક્ષય-સલમાન સહિત આ સેલિબ્રિટિઝ સામે ફરિયાદ 
• રેપ પીડિતાની તસ્વીર કરી હતી પોસ્ટ 
• 38 ઈન્ડિયન સેલિબ્રિટિઝ સામે ફરિયાદ

​વર્ષ 2019માં હૈદરાબાદમાં એક ચોંકાવનારી ઘટના સામે આવી હતી જેમાં 4 લોકોએ એક યુવતી સાથે રેપ કર્યા બાદ તેને જીવતી સળગાવી દીધી હતી. આ ઘટનાએ બધાને ચોંકાવી દીધા હતા અને સોશિયલ મીડિયા પર લોકોએ ખૂબ નારાજગી વ્યક્ત કરી હતી. સામાન્ય લોકો ઉપરાંત સેલિબ્રિટિઝ પણ આ ઘટના પર દુઃખ અને નારાજગી વ્યક્ત કરી હતી. તેજ સમયે અમુક સેલિબ્રિટિઝે પીડિતાની ઓળખ છતી કરી દીધી હતી જ્યાર બાદ તેમની વિરૂદ્ધ કેસ દાખલ કરવામાં આવ્યો છે. 

38 ઈન્ડિયન સેલિબ્રિટિઝ સામે ફરિયાદ
રિપોર્ટ્સ અનુસાર અજય દેવગન, અક્ષય કુમાર, સલામન ખાન, રકુલપ્રીત સિંહ સહિત 38 ઈન્ડિયન સેલિબ્રિટિઝ પર રેપ પીડિતોની ઓળખ સોશિયલ મીડિયા પર ઉજાગર કરવાની ફરિયાદ દાખલ કરવામાં આવી છે. આ સેલિબ્રિટિઝમાં બોલિવુડ ઉપરાંત સાઉથની ફિલ્મ ઈન્ડસ્ટ્રીના લોકો પણ શામેલ છે. કાયદા અનુસાર કોઈ પણ રેપ પીડિતાનું નામ, તસ્વીર અથવા અસલી ઓળખ ક્યાંય પણ છતી કરવી કાયદાકીય અપરાધ છે. 

સેલિબ્રિટીની ધરપકડ કરવાની માંગ
સેલિબ્રિટી વિરૂદ્ધ આ કેસ દિલ્હીના એક વકીલ ગૌરવ ગુલાટીએ દાખલ કર્યો છે. તેમણે સબ્જી મંડી પોલીસ સ્ટેશનમાં ઈન્ડિયન પીનલ કોડની કલમ 228A હેઠળ ફરિયાદ દાખલ કરાવી તીસ હજારી કોર્ટમાં એક અરજી દાખલ કરી છે. પોતાની ફરિયાદમાં તેમણે જણાવ્યું છે કે બીજા માટે ઉદાહરણ બનવાની જગ્યા પર ઈન્ડિયન સિલિબ્રિટીઝ નિયમોને તોડીને પીડિતાની ઓળખ છતી કરી રહ્યા છે. વકીલે પોતાની અરજીમાં આ દરેક સેલિબ્રિટીની તરત ધરપકડ કરવાની માંગ કરી છે.