ભારતના ફેમસ યુટ્યુબર કૅરી મિનાટી છેલ્લા કેટલાક સમયથી ચર્ચામાં છે. થોડા સમય પહેલા યુટ્યુબ પર ટિકટોકને રોસ્ટ કરતો વિડીયો બનાવ્યો હતો. ત્યારથી આ વિવાદ શરૂ થયો છે. તે વિડીયો પછી કૅરી મિનાટી ઉર્ફ અજય નાગર ચર્ચામાં છે. યુટ્યુબે બાદમાં આ વિડીયોને હટાવી દીધો હતો. વિડીયો હટાવ્યા બાદ યુટ્યુબ VS ટિકટોક વૉર શરૂ થઇ હતી.
યુટ્યુબ પર જામશે જંગ
કૅરી મિનાટીનુ સોન્ગ રિલીઝ
કૅરીનો વિડીયો હટી ગયો તેને લઇને તે ઇમોશનલ થઇ ગયો હતો. હાલમાં જ આ કિસ્સાને એક રૅપ સોન્ગ તરીકે વર્ણવ્યો છે અને તેના વિરોધીઓને ગાલ પર તમાચો લગાવ્યો છે. આ સોન્ગની શરૂઆત તેની સિગ્નેચર લાઇન તો કેસે હૈ આપ લોગ થી થાય છે.
કૅરીએ ડિલીટ થયેલા વિડીયોના બધા જ ઇમોશન આ ગીતમાં નાખવાનો પ્રયત્ન કર્યો છે. દરેક ઘટના વ્યવસ્થિત રીતે વર્ણવવાનો પ્રયાસ પણ કર્યો છે. 12 કલાક પહેલા રિલીઝ થયેલા સોન્ગને 16 મિલિયન્સ વ્યૂ મળી ગયા છે.
તમને જણાવી દઇએ કે કૅરીએ ટિકટોકર આમિર સિદ્દીકી પર નિશાનો સાધ્યો હતો. બાદમાં લોકો યુટ્યુબ અને ટિકટોક એમ બે ટીમમાં વહેંચાઇ ગયા હતા. હવે તો જોવાનું એ રહેશે કે ટિકટોકર્સ આ સોન્ગનો જવાબ કેવી રીતે આપે છે.