Coronavirus / બ્રિટનના પ્રધાનમંત્રીએ તેમનું જીવન બચાવનાર કોરોના વોરિયર્સ 2 ડૉક્ટરના નામ પર પુત્રનું નામ રાખ્યું

• કોરોના વોરિયર્સ 2 ડૉક્ટરના નામ પર પુત્રનું નામ રાખ્યું
• સાયમન્ડના દાદા  અને જોનસનના દાદાનુ નામ પણ લેવામાં આવ્યું
• 4 લોકોને માન આપી દિકરાનું નામ રાખ્યું

સોશિયલ મીડિયા પર તેની જાહેરાત કરતા 32 વર્ષીય સાયમન્ડ્સે કહ્યું કે શિશુનું નામ તેમના દાદા લૉરી, જોનસનના દાદા વિલ્ફ્રેડ અને ગયા મહિને જૉનસનની સારવાર કરનારા ડૉકટરો, નિક પ્રાઇસ અને નિક હાર્ટ (નિકોલસ) ના નામ પર રાખવામાં આવ્યું છે.

વિલ્ફ્રેડ લૉરી નિકોલસ જહોનસનનો જન્મ બુધવારે લંડનની યુનિવર્સિટી કોલેજ હોસ્પિટલમાં થયો હતો. ઇન્સ્ટાગ્રામ પર બાળકના નામની જાહેરાત કરતા સાયમન્ડ્સે પણ હોસ્પિટલ સ્ટાફનો આભાર માન્યો અને કહ્યું કે હું ખૂબ જ ખુશ છું.

બાળકના જન્મના થોડા અઠવાડિયા પહેલા,  કોરોનાના સંક્રમણતી સાજા થયેલા 55 વર્ષીય જૉનસનને સેન્ટ થોમસ હોસ્પિટલમાંથી રજા આપવામાં આવી હતી.  પ્રધાનમંત્રી જોનસનને કામકાજ શરુ કર્યાના માત્ર બે દિવસ પછી પુત્રનો જન્મ થયો હતો.