ટ્રીપ / એડવેન્ચર ટ્રીપનું ચલણ વધ્યું, તમે જાઓ તે પહેલાં આટલી બાબતોનું ધ્યાન રાખજો

• એડવેન્ચર ટ્રીપનું ચલણ ખૂબ જ વધી ગયું છે
• મોટાભાગના યુવાનો હવે એડવેન્ચર ટુર પર જાય છે
• એડવેન્ચર ટ્રીપમાં ગભરાવવું નહીં અને હિમ્મત રાખવી જરૂરી છે

એડવેન્ચર ટુર પર જવું આજકાલના યુવાનો માટે હોટ ફેવરિટ બની ગયું છે. તે નોર્મલ ટુરથી એકદમ અલગ છે. નોર્મલ ટ્રાવેલ ટ્રીપમાં તમે આરામથી હરો ફરો છો, ખાવ પીવો છો અને દરેક પળને ભરપૂર એન્જોય કરો છો, પરંતુ એડવેન્ચર ટ્રીપમાં તમે નવા નવા અનુભવો લો છો, જેમાં જોખમ પણ વધુ હોય છે. કોઇ પણ એડવેન્ચર ટ્રીપ જેટલી રોમાંચથી ભરેલી હોય છે તેટલું તેમા રિસ્ક પણ વધુ હોય છે.

આવા સંજોગોમા કેટલીક બાબતોનું ધ્યાન રાખવું જરૂરી

એડવેન્ચર જગ્યાઓ માટે માનસિક રીતે તૈયાર રહેવું જોઇએ. જે એડવેન્ચર ગેમ માટે જઇ રહ્યા હોય તેની થોડા દિવસ ટ્રેનિંગ લઇ લો. લાયસન્સ ધરાવતી કંપની સાથે જ ટુર પર જાવ. ધ્યાન રાખો કે તમારો ગાઇડ સંપૂર્ણ રીતે યોગ્ય હોય. જો વાતાવરણ સારો ન હોય તો ગેમ અવોઇડ કરો. ક્યારેય પણ એકલા સ્પોર્ટ્સ માટે ન જાવ. ગ્રુપમાં જ જાવ, તો જ તમે વધુ એન્જોય કરી શકશો. આ ટ્રીપમાં જતા પહેલા તમારુ હેલ્થ ચેકઅપ કરાવી લો. જો બીપી, શુગર વગેરે પ્રોબ્લેમ હોય તો નોર્મલ થવાની રાહ જોવો. તમારી સાથે એક ફર્સ્ટએઇડ બોક્સ રાખો.

સમુદ્રની અંદર જીવજંતુઓને જોવા

સ્કુબા ડાઇવિંગમાં તમે પાણીની એટલી અંદર જાવ છો કો તમે ત્યાં ઘણા પ્રકારની માછલીઓ અને બીજા જીવજંતુઓને અત્યંત નજીકથી જોઇ શકો છો. અહીં તમે ઓક્સિજન માસ્ક લગાવ્યા વગર એક મિનિટ પણ ન રહી શકો. તેથી સૌથી પહેલા જરૂરી એ છે કે તમારો કોન્ફિડન્સ લેવલ હાઇ હોય. જો તમારું ઓક્સિજન માસ્ક નીકળી જાય તો ગભરાયા વગર તે સિચ્યુએશનને હેન્ડલ કરો. કોઇ સમુદ્ર જીવને અત્યંત નજીકથી જુવો તો પણ ગભરાશો નહીં. આ માટે તમારે માનસિક રીતે તૈયાર રહેવુ પડશે.

રીવર રાફ્ટિંગ

નદીની લહેરોમાં રાફ્ટિંગ કરવાની એક અલગ જ મજા છે. રાફ્ટિંગ માટે ખાસ કરીને પહાડની નદીઓને પસંદ કરવામા આવે છે તેમાં એ વાતનું ધ્યાન રાખવું પડે છે કે જો તમે બોટથી પાણીમાં પડી પણ જાવ છો તો તમે ડુબવાના નથી કેમકે તમે લાઇફ જેકેટ પહેર્યુ હશે. થોડી જ સેકન્ડની વાત હોય છે. હિંમત જાળવી રાખો, ગાઇડ તમને ઉપર ખેંચી લેશે. આ માટે તમે ગંગા, વ્યાસ નદી, અસન બેરાજ, કુંડિયાલા રાફ્ટર ક્લબમાં ટ્રાય કરી શકો છો. 

બંજી જંપિંગ અને વોટર સ્કીઇંગ

પગમાં દોરડું બાંધીને ટાવર કે પહાડ પરથી કુદવા માટે હિંમત જોઇએ. કોઇ ઊંચી જગ્યા પરથી તમે એક વારમાં જ મસ્ત રીતે કુદી નહી શકો. આ માટે તમારે ઘણીવાર પ્રેક્ટિસ કરવી પડશે. પાણીમાં સ્કીઇંગ કરવું અને બરફ પર સ્કીઇંગ કરવું અલગ છે. તેમા તમારા સાહસની સંપૂર્ણ પરીક્ષા થશે. 

આલેખનઃ ભૂમિકા ત્રિવેદી