માસિક રાશિફળ / માર્ચ મહિનામાં આ 6 રાશિના જાતકોને મળી શકે છે પ્રમોશન અને ઈન્ક્રીમેન્ટ, થશે લાભ

• માર્ચ 2020નું રાશિફળ
• આ રાશિઓને મળશે પ્રમોશન અને ઈન્ક્રીમેન્ટ
• મનોકામનાઓ પૂરી કરશે માર્ચ મહિનો

મેષ
માર્ચ મહિનામાં મેષ રાશિના જાતકો કરિયરની ઉંચાઈ સુધી પહોંચી શકશે. નોકરી ધંધામાં પ્રમોશનની સાથે સમાજમાં તમારું સ્થાન પણ વધે તેવી સંભાવનાઓ છે. આ મહિને કામને લઈને વિદેશયાત્રાના પણ યોગ બની રહ્યા છે. આ યાત્રા તમને નવી કરિયર તરપ લઈ જાય તે શક્ય છે. માર્ચમાં તમારી પદોન્નતિ થઈ શકે છે. કાર્યમાં તમારા અધિકારમાં વધારો થશે અને સાથે તમે નવા પ્રોજેક્ટને લીડ કરી શકો છો. આ પ્રોજેક્ટમાં કામયાબી મળવાની સંભાવના છે. જો વ્યાપાર સાથે સંબંધ ધરાવો છો તો તમે આ મહિને નવા વ્યાપારની શરૂઆત કરી શકો છો અને સાથે બિઝનેસમાં પણ કોઈ નવું પ્રપોઝલ મેળવી શકો છો.

કર્ક

આ મહિને તમે નોકરીમાં પ્રમોશન મેળવી શકો છો. નવી નોકરી મળવાની શક્યતાઓ વધારે છે. વ્યાપારમાં કોઈ નવી ડિલ થઈ શકે છે. નોકરી વ્યાપારમાં ગ્રોથ મળશે. તમે કોઈ એમએનસીમાં જોબના વિચારમાં છો તો આ મહિને સારી શક્યતાઓ છે. આ સપનું પૂરું થવાથી તમે સકારાત્મક વિચારશો અને આગળ વધશો. કોઈ પ્રોજેક્ટ્સથી સંબંધિત મીટિંગ રોકાઈ ગઈ છે તો તે આ મહિને પૂરી થઈ શકે છે. કાર્યક્ષેત્રમાં તમારા સીનિયર્સ કે બોસ તમારા ઉપર ભરોસો રાખશે. 

સિંહ

કરિયરમાં આવતી બાધાઓ દૂર થશે. તમે નવા વિચારોથી તમારા વિરોધીઓને માત આપી શકશો. કંપની કે સંસ્થાની તરફથી તમને લાભ મળી શકે છે. વ્યાપારમાં નવા કર્મચારીઓની મહેનત તમારા વેપારને આગળ વધારી શકે છે. તમે કોઈ નવા પ્રોજેક્ટ પણ શરૂ કરી શકો છો. તેના માટે તમને ફંડિગ પણ મળી રહેશે. તમારું કામ સરળતાથી ચાલશે. કાર્યક્ષેત્રમાં સફળ પરિણામ મળતાં મનમાં સંતોષની લાગણી થશે. સહકર્મીઓને માટે પ્રેરણાપાત્ર બની શકો છો.

કન્યા

માર્ચ મહિનો કન્યા રાશિના જાતકો માટે કરિયરને માટે સારો રહેશે. આ મહિનામાં તમને નવી નોકરી કે વર્તમાન નોકરીમાં પ્રમોશન મળી શકે છે. ઓર્ગેનાઈઝએશનમાં તમારું સ્થાનાંતરણ થઈ શકે છે. સીનિયર તમને નવો પ્રોજેક્ટ આપી શકે છે જેને તમારે સમયસર પૂરો કરવાનો રહેશે. તમે તેમાં સફળ પણ થશો. અગાઉ કોઈ ઈન્ટરવ્યૂ આપ્યો છે તો તે આ મહિને ક્લીઅર થઈ શકે છે. આ મહિને તમારા પર વર્ક લોડ રહેશે અને સાથે તમે તેને સારી રીતે મેનેજ કરી શકશો. 

ધનુ

તમારા કરિયરની ગાડી પાટા પર રહેશે. ધ્યાન રાખવાનું છે કે તમારા કામમાં કોઈ પ્રકારની ઉતાવળ ન રાખો. જો તમે શાંતિથી તમારું કામ કરશો તો તે જલ્દી પૂરા ખશે. તમારા બોસ તમારા જરૂરી કામમાં તમારી મદદ કરશે. ઓફિસ સાથે જોડાયેલા કામને લઈને કોર્ટની સમસ્યા હશે તો તેનું પરિણામ તમારા પક્ષમાં આવશે. આ મહિને તમારા વ્યવહારમાં સકારાત્મકતા જોવા મળશે જેના કારણે તમે ઓફિસમાં ટીમના લોકોની સાથે મિક્સ થઈ શકશો.

કુંભ

તમે અગાઉ જે મહેનત કરી છે તેમાં તમને સારું ફળ મળી શકે છે. જે લોકો વિદેશી કંપનીઓમાં કાર્યરત છે તેમને આ મહિને વિદેશ જવાનો અવસર મળી શકે છે. તમે તમારી કંપનીમાં કોઈ નવો પ્રોજેક્ટ શરૂ કરવા જઈ રહ્યા છો તો તમે તેના કાયદાકીય કાર્યવાહીમાં સમજદારી રાખો. પોતાના પ્રોજેક્ટમાં સામેલ લોકોથી બચવાની જરૂર છે જે તમારી ઈર્ષા કરે છે. તમારા કામથી પ્રભાવિત થઈને સીનિયર પ્રમોશનને માટે તમારું નામ મોકલી શકે છે.